«ماڭعىستاۋدىڭ تابيعاتى تۇيە وسىرۋگە وتە قولايلى ەكەنى بەلگىلى. قازىر وبلىستا 90 مىڭعا جۋىق تۇيە بار. تۇيە ونىمدەرىنە بۇكىل ەلىمىزدە سۇرانىس وتە جوعارى. ودان الىناتىن شيكىزاتتى تەرەڭ وڭدەۋ جۇمىسىن قولعا الۋ قاجەت. بۇل ءونىمنىڭ ءتۇرىن كوبەيتەدى ءارى ونىڭ باعاسىنا وڭ ىقپال ەتەدى. بۇل سالاعا سۋبسيديا بەرۋ جولدارىن دا قاراستىرۋ كەرەك», دەپ اتاپ ءوتتى پرەزيدەنت.
مەملەكەت باسشىسىنىڭ ايتۋىنشا, قازاق اداي جىلقىسىن قازاقتىڭ تاعى ءبىر تاماشا برەندىنە اينالدىرۋ قاجەت.
«حالقىمىز ءۇشىن جىلقىنىڭ ورنى قاشان دا ەرەكشە. قازاق اداي جىلقىسىن ماڭعىستاۋدىڭ بىرەگەي بايلىعى دەۋگە بولادى. بۇل ارعىماقتار شولگە ەرەكشە شىدامدى, الىس جولعا ءتوزىمدى ەكەنىن ءبارى بىلەدى. ماڭعىستاۋ تۇلپارلارى الىسقا شاباتىن حالىقارالىق مارافون جارىستارىندا ءاردايىم بايگە الىپ ءجۇر. جاقىندا وتكەن « ۇلى دالا جورىعىندا» وبلىس شاباندوزدارى جەكە-دارا وزىپ كەلدى. قازاق اداي جىلقىسىن الەمگە تانىتا الساق, بۇل ءبىزدىڭ تاعى ءبىر تاماشا برەندىمىزگە اينالادى. سوندىقتان ۇكىمەتكە ونى عىلىمي تۇردە اسىل تۇقىمدى مال رەتىندە تانۋ جانە كوبەيتۋ ءۇشىن ءتيىستى جۇمىستاردى جەدەل قولعا الۋدى تاپسىرامىن», دەدى قاسىم-جومارت توقاەۆ.
