مەملەكەت باسشىسى ول ءۇشىن ۇكىمەت وكىلەتتى ورگانداردى تەڭىزدە جۇمىس ىستەۋگە قاجەتتى ماتەريالدىق-تەحنيكالىق قۇرالدارمەن قامتاماسىز ەتۋگە تيىستىگىن جانە كاسپيدە زاڭسىز بالىق اۋلاۋدىڭ جولىن كەسۋ قاجەتتىگىن اتاپ ءوتتى.
«براكونەرلەر بالىقتىڭ كوبەيۋىنە كەسىرىن تيگىزىپ, تەڭىزدىڭ ەكوجۇيەسىنە زارداپ كەلتىرىپ جاتىر. كاسپي تەڭىزىنىڭ تارتىلۋى – ايرىقشا وزەكتى ماسەلەنىڭ ءبىرى. تەڭىز دەڭگەيى 2005 جىلدان بەرى ءبىر مەتردەن اسا تومەندەپ كەتكەنىنە ءبارىمىز كۋامىز. سۋدىڭ تارتىلۋ سەبەبى مەن ونىڭ سالدارىن جان-جاقتى زەرتتەۋ كەرەك. وسى ورايدا, كاسپي تەڭىزىن زەرتتەۋمەن اينالىساتىن مەملەكەتتىك عىلىمي ينستيتۋت قۇرعان ءجون دەپ ەسەپتەيمىن. سونداي-اق, ۇكىمەت كاسپي جاعالاۋىندا ورنالاسقان وزگە مەملەكەتتەردەگى ارىپتەستەرىمەن تىعىز جۇمىس ىستەۋى كەرەك», دەپ تۇيىندەدى پرەزيدەنت.
