قىلمىستىق ءىس استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا قاراۋ ءۇشىن جولدانعان.
«ايىپتالۋشىلار ۇقك-ءنىڭ بۇرىنعى توراعاسى ك.ق.ءماسىموۆ جانە ۇقك توراعاسىنىڭ بۇرىنعى ورىنباسارى ا.ت. سادىقۇلوۆ مەملەكەتكە وپاسىزدىق جاساۋ (قك 175-بابىنىڭ 1-بولىگى), بيلىكتى كۇشپەن باسىپ الۋ (قك 179-بابىنىڭ 3-بولىگى), اۋىر زارداپتارعا اكەپ سوققان بيلىك پەن لاۋازىمدىق وكىلەتتىكتەردى وزىنە جانە باسقالارعا پايدا مەن ارتىقشىلىقتار الۋ ماقساتىندا اسىرا پايدالانۋ (قك 362-بابى 4-بولىگىنىڭ 3-تارماعى) تۋرالى باپتار بويىنشا سوتقا بەرىلدى», دەلىنگەن باس پروكرۋراتۋرا تاراتقان اقپاراتتا.
سونداي-اق ۇقك توراعاسىنىڭ بۇرىنعى ورىنباسارى د.ە. ەرعوجين دا بيلىكتى كۇشپەن باسىپ العانى (قك 179-بابىنىڭ 3-بولىگى), اۋىر زارداپتارعا اكەپ سوقتىرعان بيلىك پەن لاۋازىمدىق وكىلەتتىكتەردى وزىنە جانە باسقالارعا پايدا مەن ارتىقشىلىقتار الۋ ماقساتىندا اسىرا پايدالانعانى ءۇشىن قك 362-بابى 4-بولىگىنىڭ 3-تارماعى بويىنشا ايىپتالىپ جاتىر.
ايىپتالۋشىلار قاتارىندا ۇقك توراعاسىنىڭ بۇرىنعى ورىنباسارى م.س. وسيپوۆ پەن ۇقك دەپارتامەنت باستىعىنىڭ بۇرىنعى ورىنباسارى د.م. اكيپوۆ, جانە ۇقك-نىڭ بۇرىنعى باسقارما باستىعى ن.ك. بەكمۋرات تا بار. ولارعا قىلمىستىق كودەكستىڭ 362-بابىنىڭ ءارتۇرلى بولىكتەرى بويىنشا ايىپ تاعىلعان.
ايتا كەتەيىك, قىلمىستىق ءىس «وتە قۇپيا» بەلگىسىمەن تەرگەلگەن جانە سوتپەن دە وسى تارتىپتە قارالاتىن بولادى.
