دەلەگاتسيا قۇرامىندا قازاقستاندىق ۇن ءوندىرۋ, استىق جانە ەت وداقتارىنىڭ, قازاقستاننىڭ اگرارلىق جانە ونەركاسىپتىك ساياساتىن دامىتۋعا جاۋاپتى مەملەكەتتىك ورگانداردىڭ, «قتج» ۇك اق, ازىق-ت ۇلىك كورپوراتسياسىنىڭ وكىلدەرى مەن باسقا دا مۇددەلى قاتىسۋشىلار بار.
تاراپتار قازاقستاندىق اگرارلىق جانە ونەركاسىپتىك ونىمدەر ءۇشىن جاڭا وتكىزۋ نارىقتارىنا شىعۋ مۇمكىندىكتەرىن, قولدانىستاعى سولتۇستىك-وڭتۇستىك باعىتتاعى كەدەرگىلەردى جويۋ ماسەلەلەرىن تالقىلادى. س.جۇمانعارين اتاپ وتكەندەي, قازاقستان مەن يران اراسىندا ءوزارا سىيلاستىق, سەنىمدى قارىم-قاتىناس ورناعان. ەلدەر اراسىنداعى ساۋدا-ەكونوميكالىق ارىپتەستىكتى ىلگەرىلەتۋگە 2022 جىلعى ماۋسىم, قىركۇيەك-قازان ايلارىندا وتكەن ەڭ جوعارى دەڭگەيدەگى بىرقاتار كەزدەسۋلەر ەلەۋلى سەرپىن بەردى. مەملەكەت باسشىلارى ساپارلارى قورىتىندىسى بويىنشا بىرقاتار ۋاعدالاستىققا قول جەتكىزىلدى جانە قازاقستان-يران ءوزارا ءىس-قيمىلىن جانداندىرۋعا باعىتتالعان تاپسىرمالار بەرىلدى.
– قازاقستان بيداي مەن ارپانى, كونديتەرلىك جانە ۇن ونىمدەرىن, ەت, وسىمدىك مايلارىن جانە باسقا دا ونىمدەردى ەكسپورتتاۋعا دايىن. ءبىز يرانمەن اگروونەركاسىپتىك ونىمدەردىڭ ءوزارا ساۋدا كولەمىن 1 ملرد دوللارعا دەيىن ۇلعايتۋعا جانە قازاقستان ءۇشىن پاكىستان, ءۇندىستان, وڭتۇستىك-شىعىس ازيا, شىعىس افريكا سىندى جاڭا نارىقتارعا شىعۋعا قىزىعۋشىلىق تانىتۋدامىز. يراندىق ارىپتەستەردىڭ سالاداعى تاجىريبەسى ءبىزدىڭ بيزنەس ءۇشىن وتە پايدالى بولارى ءسوزسىز, – دەدى س.جۇمانعارين يراننىڭ اۋىل شارۋاشىلىعى ءمينيسترى سەيەد دجاۆاد ساداتينەدجادپەن كەزدەسۋدە.
يراننىڭ كولىك جانە قالانى دامىتۋ ءمينيسترى روستام قاسەميمەن كەزدەسۋ بارىسىندا س.جۇمانعارين قازاقستاندىق تاراپتىڭ تاۋارلار اعىنىنىڭ كولەمىن جىلىنا 1 ملن توننادان 4 ملن تونناعا دەيىن ۇلعايتۋ نيەتىن ايتتى. ول ءۇشىن كەزدەسۋگە قاتىسۋشىلار 2022 جىلدىڭ سوڭىنا دەيىن «تار» ينفراقۇرىلىمدىق ورىنداردى جويۋ جانە 2022-2025 جىلدارعا ارنالعان سولتۇستىك-وڭتۇستىك باعىتىنىڭ الەۋەتىن دامىتۋ بويىنشا ۇشجاقتى جول كارتاسىن قابىلداۋعا كەلىستى.
جول كارتاسىنا ەنگىزۋ ءۇشىن الدا مىنا قادامدار پىسىقتالماق: جۇك كولىگىنىڭ جۇرگىزۋشىلەرى, حالىقارالىق تاسىمالدارعا قاتىسۋشىلار ءۇشىن ارنايى ۆيزالىق رەجىم قۇرۋ. بيزنەس وكىلدەرىنە وسىنداي ۆيزالىق جەڭىلدىكتەر الۋ مۇمكىندىگىن قوسىمشا قاراستىرۋ; بىرىڭعاي ءتاريفتى, بىرىڭعاي كولىك قۇجاتىن جانە بىرىڭعاي اقپاراتتىق جۇيەنى ەنگىزۋدى قوسا العاندا, ەكى ەلدىڭ كەدەندىك رەسىمدەۋ پروتسەستەرىن وڭتايلاندىرۋ; «قىرعىزستان – قازاقستان – رەسەي» ۇلگىسى بويىنشا ناۆيگاتسيالىق پلومبالاردى پايدالانا وتىرىپ, «قازاقستان – تۇرىكمەنستان – يران» باعىتى بويىنشا جۇكتەردى اۆتوكولىكپەن تاسىمالداۋ بويىنشا قاناتقاقتى جوبانى ىسكە قوسۋ.
سونداي-اق لوگيستيكالىق پروتسەستەر مەن ەكىجاقتى ساۋدانىڭ تيىمدىلىگىن ارتتىرۋ ماقساتىندا تاراپتار بىرلەسكەن ەكسپورت-
تىق-يمپورتتىق كومپانيا قۇرۋ مۇمكىندىگىن پىسىقتاۋعا كەلىستى. كەزدەسۋلەر بارىسىندا ايتىلعان بارلىق تاراپتار ساۋدا, كولىك جانە لوگيستيكانى دامىتۋ سالاسىنداعى ءوزارا ءىس-قيمىل جونىندەگى مەموراندۋمعا قول قويۋمەن بەكىتىلدى.
بيىل قاڭتار-تامىز ارالىعىندا ەكى ەل اراسىنداعى تاۋار اينالىمى 9,3 پايىزعا ءوسىپ, 350,2 ملن دوللارعا جەتكەن. بىلتىر 8 ايدا 320,4 ملن دوللار بولعان ەدى. بۇل رەتتە ەكسپورت كولەمى وتكەن جىلدىڭ 8 ايىنىڭ كورسەتكىشتەرى دەڭگەيىندە ساقتالىپ وتىر (0,1 پايىزعا تومەندەدى, 215,3 ملن دوللار). قازاقستان مەن يران اراسىنداعى تاۋار اينالىمى 2021 جىلى 440,9 ملن دوللاردى قۇراپ, 2020 جىلمەن سالىستىرعاندا 85,1 پايىزعا ىلگەرىلەۋ بار ەكەنىن كورسەتكەن.
