قۇرمەتتى وتانداستار!
مەن, قاراقات ابدەن, ميلليونداعان زامانداستارىممەن بىرگە, ۇلى تاريحي پروتسەسس – ەلىمىزدىڭ قالىپتاسۋى مەن ونىڭ مەملەكەتتىگىن ودان ءارى نىعايتۋدىڭ بەلسەندى قاتىسۋشىسى بولىپ وتىرمىن.
ءسىز بەن ءبىز دەموكراتيالىق پروتسەستەردەن تىس قالا المايمىز, ويتكەنى دەموكراتيانىڭ فيلوسوفياسى ءبىزدىڭ حالقىمىزدىڭ قانىندا, ونىڭ مەنتالدىق جانە تەكتىك دەڭگەيلەرىندە قالىپتاسقان.
ادامگەرشىلىك پەن ادەپتىڭ جوعارى قاعيداتتارىنا نەگىزدەلگەن قازاق حالقىنىڭ باي تاريحي مۇراسىن, داستۇرلەرى مەن جەتىستىكتەرىن جاڭعىرتۋ جانە ساقتاۋ, سونداي-اق ولاردى قازىرگى زاماناۋي جاعدايدا دۇرىس پايدالانۋ قازاقستان دامۋىنىڭ باسىم باعىتتارىنىڭ ءبىرى بولۋعا ءتيىس.
ءىس جۇزىندە ءاربىر وتباسى, اسىرەسە كوپبالالى وتباسى وراسان زور رۋحاني-ادامگەرشىلىك الەۋەتكە يە جانە حالىقتىڭ عاسىرلار بويعى رۋحاني قۇندىلىقتارىن ساقتاۋشى رەتىندە جيناقتالعان تاجىريبەنى ۇرپاقتان-ۇرپاققا جەتكىزەدى, سول ارقىلى قوعامداعى ادەپ نورمالارىن بەكىتەدى.
ءبىز مەملەكەتتىگىمىزدىڭ رۋحاني دامۋ ماسەلەلەرى ەكونوميكالىق نەمەسە ساياسي تۇرلەنۋ ماسەلەلەرىنەن كەم تۇسپەيتىن دامۋ كەزەڭىندەمىز. زاماناۋي قازاقستان وزىق ەلدەر قاتارىنان ۇيلەسىمدى ورىن الۋ جانە وركەنيەتتەن تىس قالماۋ ءۇشىن ءومىردىڭ بارلىق سالاسىندا ساپالى سەرپىلىس جاساۋعا ءتيىس. ءبىزدىڭ قوعامنىڭ بۇگىنگى تاڭداعى وزەكتى الەۋمەتتىك-ەكونوميكالىق پروبلەمالارىن كەشەندى نەگىزدە شەشۋ قاجەت ەكەنىن كورىپ وتىرمىن جانە وسى ماقساتتارعا قول جەتكىزۋ ءۇشىن جۇيەلى تاسىلدەر قاجەت دەپ سانايمىن. مەندە بۇل پروتسەستىڭ ناقتى كورىنىسى بار!
قازاقستان حالقىنىڭ سانى جيىرما ميلليونعا جاقىنداپ قالدى, ەلدە التى جارىم ميلليوننان استام وتباسى تۇرادى, ونىڭ ىشىندە جارتى ميلليوننان استامى – كوپبالالى وتباسىلار. ءبىزدىڭ وتانىمىزدىڭ نەگىزى مەن تىرەگى – وتباسى. سوندىقتان, وتباسى وركەنيەتتى قوعام قۇرۋ ىسىندە باستى ءرول اتقارۋى كەرەك. مەن ءاربىر قازاقستاندىق وتباسىنىڭ مولشىلىقتا ءومىر سۇرگەنىن, ءاربىر شاڭىراق استىندا بالالاردىڭ باقىتتى كۇلكىسى ەستىلگەنىن قالايمىن. بۇل ءۇشىن ەلدە بارلىق مۇمكىندىك بار.
حالىقتىڭ ءومىر ءسۇرۋ دەڭگەيىن ارتتىرۋدا جوعارى كورسەتكىشتەرگە قول جەتكىزۋ – مەنىڭ ازاماتتىق بورىشىم دەپ سانايمىن!
قازاقستاندا 6 ميلليوننان استام بالا بار. بۇل دەگەنىمىز, حالقىمىزدىڭ جالپى سانىنىڭ ۇشتەن ءبىرى – ەرتەڭگى كۇنى وتانىمىزدىڭ بولاشاعىن قالىپتاستىراتىن, ونىڭ قارىشتى دامۋىن جۇزەگە اسىراتىن جاس ازاماتتار. سوندىقتان ءبىز ولاردىڭ ۇيلەسىمدى دامۋى ءۇشىن پلاتفورما دايىنداۋعا مىندەتتىمىز, ولارعا لايىقتى تاربيە مەن ءبىلىم الۋعا, ءوز جوبالارىن, يدەيالارىن ىسكە اسىرۋعا, ارماندارىنا قول جەتكىزۋگە مۇمكىندىك بەرۋىمىز قاجەت. ولار ءۇشىن قازىر نە ىستەلۋدە؟ كونستيتۋتسيامەن كەپىلدەندىرىلگەن تەگىن ورتا ءبىلىم – بۇل بارىنە قولجەتىمدى مە؟ بىزدە ۇيىرمەلەر, سەكتسيالار مەن قوسىمشا ءبىلىم بەرۋ مەكەمەلەرى جەتكىلىكتى مە؟ مەكتەپتەردە بارلىق بالانى ىستىق تاماقپەن قامتۋعا بولا ما؟ ولار ەسەيگەندە ۇلتتىق مادەني كودتى ساقتاي الا ما؟ وسى ماسەلەلەردىڭ بارلىعىن شەشەتىن كەشەندى جۇمىستىڭ ۋاقىتى كەلدى. مەن مۇنداي وزەكتى پروبلەمالاردىڭ شەشۋدىڭ جولدارىن ۇسىنامىن!
بۇگىندە قازاقستاندىق جوعارى وقۋ ورىندارىندا 600 مىڭعا جۋىق ستۋدەنت ءبىلىم الۋدا. ەلدىڭ زياتكەرلىك قۋاتىنا جاۋاپتى بولاتىن ازاماتتار ساپالى ءبىلىم الۋعا, وزىق يننوۆاتسيالىق تەحنولوگيالارعا قول جەتكىزۋگە, جايلى جاعدايدا ءومىر سۇرۋگە مۇمكىندىك الۋعا ءتيىس. ول ءۇشىن جاتاقحانا سالۋ, وقۋ باعدارلامالارىن ازىرلەۋ جانە ەنگىزۋدەن باستاپ, ولاردى ءتيىستى جابدىقتارمەن قامتاماسىز ەتۋ جانە قاجەتتى جاعدايلار جاساۋعا دەيىن بارلىعىن مۇقيات ويلاستىرۋ قاجەت. تاعى ءبىر ماسەلە – وقۋ اقىسى. دامىعان مەملەكەتتەردە بىلىمگە ۇمتىلاتىن ادام ءۇشىن ءارتۇرلى باعدارلامالار مەن گرانتتار ارقىلى بارلىق مۇمكىندىك قاراستىرىلعان. مەن ەلدە جوعارى ءبىلىمنىڭ تەگىن بولۋى ءۇشىن بار كۇشىمدى سالامىن!
ەلىمىزدىڭ تۇرعىندارىنىڭ 11 %-دان استامى – اعا بۋىن وكىلدەرى. رۋحاني قۇندىلىقتاردى ساقتاۋشىلار دا وسى قارتتارىمىز, ولار قازاق حالقىنىڭ عاسىرلار بويى جيىپ-تەرگەن باعا جەتپەس تاجىريبەسىن ۇرپاقتارعا جەتكىزەدى. ءوز قارتتارىن ايالاپ, قامقورلىق جاساۋ – قازاقستاندىق قوعامدا ابدەن قالىپتاسقان ءداستۇر.
قازاقتا «قارتى بار ءۇيدىڭ قازىناسى بار» دەگەن قاناتتى ناقىل بار. شىنىندا دا, اعا بۋىن – ۇلىلىق پەن دانالىقتىڭ سيمۆولى, سوندىقتان ۇلكەندەردى قۇرمەتتەۋ –جاس ۇرپاقتىڭ پارىزى مەن مىندەتى. ۇلى دالا جەرىندە ارقاشان سولاي بولعان.
بالاسىنىڭ ادەپسىزدىگى ءۇشىن ءبىرىنشى كەزەكتە دۇرىس تاربيە بەرە الماعان اتا-اناسى ۇيالادى, سوندىقتان وسىنى ەسكەرىپ, اتا-انالار اجەلەر ونەگەسىن جالعاستىرۋعا تىرىسادى. اتا-انا مەن قوعام الدىنداعى جاۋاپكەرشىلىكتى سەزىنۋ – الدىڭنان قارت ادامدى كورگەندە باسىپ وزباۋعا, بولمەگە جاسى ۇلكەن ادام كىرگەندە تۇرىپ سالەمدەسىپ, ارقاشان ورىن بەرۋگە, ولاردىڭ الدىندا داۋىسىڭدى باسەڭدەتىپ سويلەۋگە, قۇرداستار اراسىندا تەنتەكتىك جاسالسا ۇلكەندەردىڭ اقىلىنا جۇگىنۋگە, ياعني ۇلكەندەرگە ارقاشان قۇرمەت كورسەتۋگە تاربيەلەيدى. شىنىندا دا, ۇلكەندەر جاس ۇرپاقتىڭ ءىس-ارەكەتىنە ولاردىڭ اتا-انالارىنا جانە وتباسىنداعى ءتالىم-تاربيەگە قاراپ باعا بەرەدى. جانە ولار بالانىڭ جەتىستىكتەرىن ەرەكشە اتاپ وتكىسى كەلسە, ارقاشان «اتا-اجەسىنىڭ تاربيەسى» دەپ ەسكەرە كەتەدى.
ءبىز اعا بۋىن ءۇشىن نە ىستەي الامىز؟ قارتتارىمىزعا لايىقتى زەينەتاقى, ۋاقتىلى جانە ساپالى ەم الۋ سياقتى بارلىق جاعدايدى جاساي الدىق پا؟ ولاردىڭ ەل ىشىندە قولايلى ساياحاتتاۋعا مۇمكىندىگى بار ما؟ رۋحاني بايلىقتى ۇلكەندەردەن جاستارعا تابىستاۋ سەكىلدى ماڭىزدى ماسەلەدە ۇرپاقتار ساباقتاستىعى قامتاماسىز ەتىلدى مە؟ مەنىڭ تاعى ءبىر ماقساتىم – التىن ۇرپاقتى لايىقتى ومىرمەن قامتاماسىز ەتۋ!
قۇرمەتتى ازاماتتار!
سىزدەرگە ۇسىنىپ وتىرعان ءوز باعدارلامامدى ازىرلەۋ كەزىندە مەن ەڭ الدىمەن قازاق حالقىنىڭ رۋحاني قاعيداتتارىن باسشىلىققا الدىم. حالقىمىزدىڭ دانالىعى مەن ۇلكەندەردى قۇرمەتتەۋى, ۇلتتىق رۋحى مەن جىگەرلىلىگى, زەرەك اقىل-ويى مەن كوڭىلىنىڭ كەڭدىگى, بوستاندىق پەن تاۋەلسىزدىككە دەگەن ۇمتىلىسى – وسىنىڭ ءبارى ۇيلەسىمدى تۇلعانى تاربيەلەپ شىعارۋعا نەگىز بولادى, ول ءۇشىن مەملەكەتتە جايلى ءومىر ءسۇرۋ جاعدايلارى جاسالۋى كەرەك.
مەنىڭ سايلاۋالدى باعدارلامام الەۋمەتتىك باعدارلانعان.
الەۋمەتتىك شارالار مەملەكەتتىك قازىناعا ۇلكەن شىعىن اكەلەدى دەگەن ستەرەوتيپ بار. بىراق بۇل – قاتە ۇعىم. قازاقستاننىڭ قالىپتاسۋ كەزەڭىنەن باستالعان ەڭبەك قىزمەتىمدە مەن بۇل الەۋمەتتىك باعىتتاردى ءبىرىنشى كەزەكتە ىسكە اسىرۋ قاجەت ەكەنىن ءتۇسىندىم.
مەملەكەتىمىزدىڭ ءوز ازاماتتارىنا انالىق قامقورلىق كورسەتەتىن ءساتى كەلدى دەپ ويلايمىن. وزەكتى ماسەلەلەردى اناسىنىڭ ءوز بالالارىن, قىزىنىڭ ءوز اتا-اناسىن جانە ەڭ باستىسى – ازاماتتىڭ ءوز وتانىن قابىلداۋ اسەرىمەن قاراستىرۋ قاجەت!
وتباسىن قولداۋ جانە نىعايتۋ – ەلدىڭ تابىستى دامۋىنىڭ كەپىلى. وتباسىندا ۇرپاقتار ساباقتاستىعى, ۇلكەندەرگە قۇرمەت, كىشىلەرگە قامقورلىق, ءوزارا قولداۋ داستۇرلەرى, ەڭبەكقورلىق جانە بىلىمگە دەگەن ۇمتىلىس قالىپتاسادى. بۇگىنگى تاڭدا وتباسى ينستيتۋتىن جان-جاقتى نىعايتۋ, ونىڭ ناقتى مارتەبەسىن كوتەرۋ ەرەكشە ماڭىزدى.
ارينە, وتباسىن ساقتاۋ جانە دامىتۋداعى شەشۋشى رولدەردىڭ ءبىرى ايەلگە بەرىلۋى كەرەك. مەملەكەت باسشىسى ايەل ازاماتتارعا ارناعان سوزىندە: «ايەلدەر – وتباسىنىڭ تىرەگى, دەمەك, مەملەكەتتىڭ تىرەگى», دەپ اتاپ وتكەن.
قازاقستاندا ايەلدەر ءۇشىن تىرشىلىكتىڭ كەز كەلگەن سالاسىندا: بيزنەستە, ءبىلىم بەرۋدە, دەنساۋلىق ساقتاۋدا, مادەنيەتتە, سپورتتا ءوزىن تانىتۋ ءۇشىن بارلىق قاجەتتى جاعداي جاسالعان. قازاقستان حالقىنىڭ جارتىسىنان استامى ايەلدەر (52%) ەكەنىن ەسكەرسەك, ەلىمىزدىڭ قارىشتى, تۇراقتى دامۋى كوبىنە ايەلدەرگە بايلانىستى ەكەنى انىق. ايەل زاتىمەن ءومىردىڭ ءمانى عانا ەمەس, سونىمەن بىرگە ادامزاتتىڭ ودان ارگى تاعدىرى دا بايلانىستىرىلادى دەۋگە بولادى, ويتكەنى ايەلدىڭ بۇل الەمدەگى قاسيەتتى مىندەتى – ادامزات ۇرپاعىن جالعاستىرۋ.
باعدارلامامدى دايىنداعان كەزدە مەن ءوزىمنىڭ بالالارىم ءۇشىن – مەيىرىمدى جانە قامقور انا, وتباسىندا – ادال جار, تۋىستارىم مەن جاقىندارىم ءۇشىن – جاناشىر قىز بەن اپكە ەكەنىمدى ءبىر ءسات تە ۇمىتپادىم.
ءبىز بىرگە كوپ نارسەنى وزگەرتە الامىز جانە جاقسى جاققا وزگەرەمىز دەپ سەنەمىن. مەن قازاقستاننىڭ بولاشاعىن سىزدەرمەن بىرگە قۇرعىم كەلەدى.
مەن سىزدەردى وسكەلەڭ ۇرپاققا رۋحاني قۇندىلىقتاردى بەرە وتىرىپ, ءوز وتانىمىزدىڭ يگىلىگى ءۇشىن وقۋعا, قىزمەت جاساۋعا جانە يگى ىستەر اتقارۋعا, تابىستى, باقىتتى بولۋعا مۇمكىندىك بەرەتىن مەملەكەتتىڭ دامۋ جولىن تاڭداۋعا شاقىرامىن.
مەن وتباسى, قوعام جانە وتان ءۇشىن نە قاجەت ەكەنىن ناقتى بىلەمىن!
باعدارلاما
مەنىڭ ماقساتىم:
- مەملەكەت – بۇل ۇلت. قازاقستان مەملەكەتىن قۇرۋشى – قازاق حالقىنىڭ ءال-اۋقاتىن ارتتىرۋ جونىندەگى باعدارلامالاردى ىسكە اسىرۋ, ۇلتتىق قۇندىلىقتاردى وسكەلەڭ ۇرپاققا تابىستاۋ.
- بارلىق قازاقستاندىق وتباسىلاردىڭ لايىقتى ءومىر ءسۇرۋ ءۇشىن قولايلى جاعداي جاساۋ.
- «مەملەكەتتىڭ باستى بايلىعى – ادام» ۇستانىمىن قالىپتاستىرۋ. باستى نازاردى تابيعي رەسۋرستاردان ادامعا تۇبەگەيلى اۋداراتىن ۋاقىت كەلدى.
- مەملەكەتتىك ساياساتتى الەۋمەتتىك باعدارلانعان ساياساتقا وزگەرتۋ.
ناتيجە:
- تاتۋ وتباسى. باقىتتى بالالار. ينتەللەكتۋالدى, رۋحاني جانە فيزيكالىق دامىعان جاستار. ۇرپاقتارىنا ريزا اعا بۋىن. مۇمكىندىگى شەكتەۋلى جاندار ءۇشىن بارلىق قاجەتتىلىكتەردى قامتاماسىز ەتۋ.
وتباسى
قازاقتا «ۇيلەنۋ وڭاي, ءۇي بولۋ قيىن» دەگەن دانالىق ءسوز بار.
مەنىڭ ماقساتىم – بالالار جايلى وتباسىندا تۋىلىپ, لايىقتى ءومىر ءسۇرۋى ءۇشىن, نەكەگە تۇرعان ساتتەن باستاپ جاس وتباسىلارعا كومەك كورسەتۋدىڭ جانە جەڭىلدەتىلگەن باعدارلامالاردى ەنگىزۋدىڭ كەشەندى جوسپارىن ازىرلەۋ جانە جۇزەگە اسىرۋ.
وتباسى ينستيتۋتىن نىعايتۋعا ىقپال ەتەتىن شارالار:
- وسكەلەڭ ۇرپاقتى ۇلتتىق وتباسىلىق ءتالىم-تاربيەنىڭ ۇزدىك داستۇرلەرىندە رۋحاني دامىتۋ بويىنشا ارنايى كۋرس ازىرلەۋ جانە مەكتەپ باعدارلاماسىنا ەنگىزۋ.
- تۇرعىن ءۇي الۋعا نەمەسە بەلگىلى ءبىر كەزەڭگە پاتەر جالداۋ اقىسىن تولەۋگە ارنالعان اقشالاي سەرتيفيكاتتار جۇيەسىن ەنگىزۋ.
- جۇمىس بەرۋشىنى كورپوراتيۆتىك جارعىلارعا كاسىپورىنداعى جاس وتباسىلارعا سىيلىقاقى ارقىلى قولداۋ كورسەتۋدى ەنگىزۋدى زاڭدى تۇردە مىندەتتەۋ.
- كوپبالالى انالاردى ناگرادتاۋعا ۇسىنۋ تالاپتارىنىڭ كورسەتكىشتەرىن تومەندەتۋ.
- بالا تاربيەلەپ وتىرعان ءۇي شارۋاسىنداعى ايەلدى «قىزمەتكەر» دەپ تانىپ, وسى مەرزىمدى ەڭبەك وتىلىنە قوسۋ.
- بالانى بالاباقشاعا جانە مەكتەپكە ورنالاستىرۋ پروتسەسىن بارىنشا اۆتوماتتاندىرۋ. ءار بالانىڭ ءوز اۋدانىندا ورنالاسقان مەكتەپكە بارۋىنا جاعداي جاساۋ.
- جاردەماقى الۋ ءۇشىن قاجەتتى قۇجاتتاردى تاپسىرۋ جۇيەسىن تۇبەگەيلى تسيفرلاندىرۋدى, ازاماتتاردىڭ الەۋمەتتىك كومەك الۋىن ء«بىر رەت باسۋ» ارقىلى جۇزەگە اسىرۋدى قامتاماسىز ەتۋ.
- كوممۋنيكاتسيالارمەن جانە ينفراقۇرىلىممەن قامتىلماعان جەرلەردە تۇراتىن كوپبالالى انالارعا وتەماقى جۇيەسىن قاراستىرۋ.
بالالار
بالالاردى قولداۋ شارالارى:
- بالالاردى تەگىن قوسىمشا بىلىممەن قامتۋ بويىنشا جەكە باعدارلاما ازىرلەۋ, مەكتەپ جانە كوللەدج وقۋشىلارىنىڭ بوس ۋاقىتىن تەگىن ۇيىمداستىرۋ بويىنشا مەكەمەلەر جەلىسىن كەڭەيتۋ.
- تەگىن ورتا ءبىلىم بەرۋمەن قامتۋ ماسەلەسىن تۇبەگەيلى شەشۋ, ءبىلىم بەرۋ وبەكتىلەرىنىڭ قۇرىلىسىن حالىقتىڭ وسۋىمەن ۇيلەستىرە وتىرىپ, ولاردى زاڭنامالىق تۇرعىدا بەكىتۋ.
- بالالاردى ولاردىڭ قابىلەتتەرى مەن تالانتتارىنا سايكەس قولداۋ جۇيەسىن قۇرۋ, ولاردىڭ تولىققاندى دامۋى ءۇشىن ۇيىرمەلەر مەن سەكتسيالار قۇرۋ, مەملەكەتتىك باعدارلاما نىسانىندا تالىمگەرلەردى دايارلاۋ.
- سيرەك (ورفاندىق) اۋرۋلارى بار بالالارعا كومەك كورسەتۋ جۇيەسىن بىرىزدەندىرۋ.
- بالاباقشالار مەن مەكتەپتەردە ءار بالاعا قامقورلىق جاسالۋى كەرەك.
جاستار
جاستارعا بۇگىنگى كومەك – بۇل ءبىزدىڭ ەرتەڭگى كۇنىمىزگە تىكەلەي ينۆەستيتسيا
- بارلىق ستۋدەنتتەر مەن وقۋشىلاردى تەگىن جوعارى بىلىممەن قامتاماسىز ەتۋ.
- ءبىلىم الۋ – بۇل دا ەڭبەك. ەڭبەكاقى جۇيەسىنە سايكەس ستيپەنديا تولەۋ.
- وقۋ ورنى مەن كاسىپورىن اراسىنداعى بايلانىستى ارتتىرۋ, جاستاردىڭ ءبىلىم الۋدان ناقتى ماماندىققا كوشۋى پروتسەسىنىڭ ۇزدىكسىزدىگىن قامتاماسىز ەتۋ.
- اعا بۋىن وكىلدەرىن تارتا وتىرىپ, ۇلتتىق-پاتريوتتىق جاستار كلۋبتارىن قۇرۋ.
- ۇيلەسىمدى دامۋى ءۇشىن قىزدارعا ارنالعان ناقتى قولداۋ ورتالىقتارىن اشۋ.
التىن ۇرپاق
ماتەريالدىق جاعىنان مۇقتاجسىز جانە قامسىز ادەمى قارتايۋ – بۇل ءار ادامنىڭ ارمانى. كۇندەلىكتى كۇيبەڭ تىرلىكتى ۋايىمداماي, بالالارىنا دانا تالىمگەر, سەنىمدى اقىلشى بولۋ – بۇل ءبىزدىڭ اتا-اجەلەرىمىز ارمانى ەمەس پە؟! بۇل ارماندا قانشا الەۋمەتتىك پروبلەمالار جاتىر!
قارتتاردى قولداۋعا باعىتتالعان شارالار:
- زەينەتكەرلىك جاستاعى ادامدارعا ەلىمىزدە جەڭىلدىكتى تاريفتەرمەن ساياحاتتاۋعا مۇمكىندىك بەرەتىن باعدارلاما ازىرلەۋ.
- «ۇرپاقتار كەزدەسۋى» بىرلەسكەن دەمالۋ ءىس-شارالارىن ۇيىمداستىرۋ بويىنشا گرانتتىق باعدارلاما ازىرلەۋ.
- جوبالاۋ كەزەڭىندە قارتتاردىڭ سەرۋەندەۋى مەن دەمالۋى ءۇشىن كوشە ينفراقۇرىلىمىن (جازدا سالقىن, قىستا جىلى اۋلا كابينالارى, سپورت الاڭدارىندا قارتتارعا ارنالعان قۇرال-جابدىق جانە ت.ب.) كوزدەۋ.
- ەگدە جاستاعى ادامداردى ەمدەۋ مەن وڭالتۋدىڭ كەشەندى جۇيەسىن ازىرلەۋ.
قۇرمەتتى سايلاۋشىلار!
مادەنيەت پەن تاربيە, ءبىلىم مەن عىلىم, دەنساۋلىق ساقتاۋ جانە الەۋمەتتىك قورعاۋ كەز كەلگەن قوعامنىڭ تابىستى دامۋىنىڭ نەگىزى جانە كەپىلى بولىپ تابىلادى. الايدا ولار مەملەكەت تاراپىنان ۇنەمى ەكىنشى نازار دەڭگەيىندە قالىپ قويادى. ءبىز مۇنىڭ ءبارىن وزگەرتۋىمىز قاجەت.
مەن – ەڭبەك جولىن ەكونوميكا سالاسىندا باستاعان اداممىن. مەنىڭ باعدارلامامداعى بارلىق تارماقتاردى جۇزەگە اسىرۋعا بولادى! مەن بۇعان سەنىمدىمىن! سىزدەردىڭ قولداۋلارىڭىزبەن بۇل باعدارلامانى بىرگە جۇزەگە اسىرا الامىز دەپ سەنەمىن!
مەن ءوز حالقىما سۇيسىنەمىن جانە سىزدەرگە لايىقتى ءومىر ءۇشىن جاعداي قۇرۋعا ۋادە بەرەمىن!
تاپسىرىس بەرۋشى:
ا.س.ۋرازگۋلوۆ, قر پرەزيدەنتتىگىنە ۇمىتكەر ق.ج.ابدەننىڭ سەنىمدى وكىلى.
ماقالا اقىسى قازاقستان رەسپۋبليكاسى پرەزيدەنتتىگىنە ۇمىتكەر ق.ج.ابدەننىڭ سايلاۋ قورىنىڭ قارجىسىنان تولەندى.
وسى ماتەريالدى شىعارعان ۇيىم, ونى باسىپ شىعارعان جەرى جəنە تارالىمى تۋرالى مəلىمەت شىعىس دەرەكتەرىندە كورسەتىلگەن.
