ءىس-شارا ەلوردادا پۋشكين كوشەسى مەن ش.قۇدايبەردى ۇلى داڭعىلى قيىلىسىندا ورنالاسقان ساياباق اۋماعىندا ءوتتى. اكتسيا بارىسىندا ءسوز سويلەگەن ۇمىتكەر تىعىز قۇرىلىس ماسەلەسى تەك ەلوردا جانە الماتى قالاسىمەن شەكتەلمەيتىندىگىن اتاپ ءوتتى. بۇل – قازاقستاننىڭ بارلىق دەرلىك قالاسىنا ورتاق ماسەلە.
نۇرلان اۋەسباەۆتىڭ پىكىرىنشە, تىعىز قۇرىلىس قالا قاسىرەتىنە اينالۋدا. قۇرىلىس كومپانيالارىنا ەڭ جاقسى جەر تەلىمدەرىنىڭ بەرىلەتىنى جاسىرىن ەمەس. وعان قوسا اكىمدىكتەر مۇنداي كومپانيالارعا باس جوسپار بويىنشا مەكتەپ, بالاباقشا مەن اۋرۋحانالار سالىنۋعا ءتيىس جەرلەردى بەرۋدە. سونىڭ سالدارىنان تۇرعىندار الەۋمەتتىك ينفراقۇرىلىمنىڭ جوقتىعىنان زارداپ شەگىپ وتىر.
قوعام الدىندا تۇرعان تاعى ءبىر ماسەلە – سىبايلاس جەمقورلىق. ن.اۋەسباەۆتىڭ ايتۋىنشا, قۇرىلىس كومپانيالارى ءوز مۇددەلەرىن عانا ويلاپ, ەڭ جاقسى جەر تەلىمدەرىن يەلەنۋگە ۇمتىلادى. مۇنداي جاعدايلاردا ادەتتە پارا بەرىلەدى. كانديداتتىڭ پىكىرىنشە, جاعدايدى بارلىق دەڭگەيدەگى اكىمدەردى تىكەلەي سايلاۋدى ەنگىزۋ ارقىلى عانا وزگەرتۋگە بولادى. قالا باسشىلارى حالىق الدىنداعى جاۋاپكەرشىلىكتەرىن سەزىنبەيىنشە, جەمقورلىقتى جەڭۋ مۇمكىن ەمەس.
بەيبىت ميتينگكە 50-گە جۋىق ادام, ونىڭ ىشىندە ەلورداداعى تىعىز قۇرىلىسقا قارسى بەلسەندىلەر قاتىستى.
