«ۇمىتكەر سايلاۋالدى جۇمىس ساپارىمەن ەل وڭىرلەرىن ارالاپ ءجۇر. بۇگىنگە دەيىن سايلاۋشىلارمەن 20-دان استام كەزدەسۋ وتكىزىلدى. كەزدەسۋلەر بارىسىندا قوسشى, قاراعاندى, ەكىباستۇز, پاۆلودار, سەمەي, تالعار, ەسىك, اقتوبە قالالارى قامتىلدى. سونداي-اق اۋىلدار مەن اۋداندار دا نازاردان تىس قالمادى. كەزدەسۋلەردە كوبىنە الەۋمەتتىك ماسەلەلەر بويىنشا ساۋالدار كەلىپ ءتۇستى. بۇدان بولەك, قاراقات ابدەننىڭ سەنىمدى وكىلدەرى مەن جەرگىلىكتى شتاب باسشىلارى دا ۇگىت-ناسيحات جۇمىستارىن بەلسەندى جۇرگىزىپ جاتىر. جالپى, رەسپۋبليكا بويىنشا ۇمىتكەردىڭ 20 سايلاۋالدى شتابى بار, 2 مىڭعا جۋىق ەرىكتى جۇمىلدىرىلدى. ۇلكەن اۋدان ورتالىقتارىندا دا شتابتار جۇمىس جۇرگىزۋدە», دەدى رەسپۋبليكالىق شتاب باسشىسى ارمان ورازقۇلوۆ.
بۇدان كەيىن ق.ابدەن تمد-نىڭ بايقاۋشىلار ميسسياسى شتابىنىڭ باسشىسى ەۆگەني كوزياك پەن وسى ۇيىمنىڭ مۇشەسى اللا حارچەنكومەن كەزدەستى. كەزدەسۋ بارىسىندا ۇمىتكەر ۇگىت-ناسيحات ناۋقانىنىڭ بارىسى مەن سايلاۋالدى شتابتارىنىڭ جۇمىسى تۋرالى اڭگىمەلەدى. بۇدان بولەك, ءوزىنىڭ سايلاۋالدى باعدارلاماسىنىڭ نەگىزگى تۇستارىنا توقتالدى. حالىقارالىق بايقاۋشىلار ۇمىتكەردىڭ ءوزى دە, ونىڭ سايلاۋالدى باعدارلاماسى دا ەرەكشە ەكەنىن اتاپ ءوتتى. «ۇمىتكەر تاراپىنان ايتىلعان بارلىق مالىمەتتى سارالاپ, ءوزىمىزدىڭ قورىتىندى قۇجاتتارىمىزعا ەنگىزەمىز», دەدى ەۆگەني كوزياك.
