«الەمدەگى جاعداي كۇن سايىن وزگەرۋدە. قوعامنىڭ وركەندەۋىنىڭ ەڭ ۇلكەن قۇندىلىعىن قازىر تابيعي رەسۋرستار, مۇناي مەن گاز كەن ورىندارى جاسامايدى. ەڭ كوپ ناتيجەنى ءبىلىم ەكونوميكاسى بەرەدى: جاڭا تەحنولوگيالار, نوۋ-حاۋ, زياتكەرلىك مەنشىك جانە تاعى باسقالارى», دەدى كانديدات.
الەم باياۋ, بىراق سەنىمدى تۇردە زياتكەرلىك مەنشىكتى قورعاۋ جۇيەسىن, ەرەجەلەرى مەن ينستيتۋتتارىن قۇرۋدا. بىراق بۇل ءۇردىس ءالى قازاقستانعا جەتكەن جوق. «قازاقستاندا زياتكەرلىك مەنشىكتى قورعاۋ ءىس جۇزىندە جۇمىس ىستەمەيدى. ادامدار بارىنە قول سۇعۋعا كوشكەن. اسىرەسە الەۋمەتتىك جەلىدە جاريالانعان نارسەلەر. فوتوسۋرەتتەر, ماتىندەر, فيلمدەر, مۋزىكا مەن كىتاپتاردىڭ اينالاسىندا قۇقىق بۇزۋشىلىق كوپ. اقش-تا نەمەسە ەۋروپادا اعىندىق پلاتفورمالار ءۇشىن تولەم جاسامايىنشا نەمەسە فيلم بيلەتىن ساتىپ الۋعا بارمايىنشا, مۋزىكا تىڭداۋ نەمەسە فيلم كورۋ مۇمكىن ەمەس. قازاقستاندا كونتەنت ءۇشىن اقشا تولەۋ ۇيات دەپ ەسەپتەلەدى. قۇقىق قورعاۋ ءۇشىن سوتقا جۇگىنۋ مادەنيەتى جوق. ماسەلەن, ميكروتولقىندى پەش ۇرلاعانى ءۇشىن ادام تۇرمەگە تۇسسە, ونەر تۋىندىسىن ۇرلاعانى ءۇشىن جازادان قۇتىلا الادى. سوندىقتان ءبىر نارسەنى ۇرلاۋ – ۇيات, ال اقىل-وي ەڭبەگىنىڭ ءونىمىن سۇراماي-اق تارتىپ الۋ قالىپتى جاعداي بولىپ كەتكەن», دەدى س.تۇرسىنبەكوۆا. جيىنعا قاتىسۋشىلاردىڭ دەنى اۆتورلىق قۇقىقتى قورعاۋعا ارنالعان زاڭ ءالى دە شيكى جانە پروبلەمالى ەكەنىن ايتتى.
