پرەزيدەنتتىڭ حالىققا ۋادە ەتكەن باستامالارىنىڭ بارلىعى دا ورنىقتى ورىندالىپ كەلە جاتقانى قوعامنىڭ كوز الدىندا. سوندىقتان بۇل جولعى رەسمي ءىس-شارا دا – مەملەكەت باسشىسى 2019 جىلدان قولعا العان ساياسي رەفورمالاردى كەزەڭ-كەزەڭىمەن ىسكە اسىرۋدىڭ كەزەكتى جالعاسى.
حالقىمىزدا ء«ادىل تۋعان زاڭ جاقسى» دەگەن ءسوز بار. بۇل رەتتە, پرەزيدەنتىمىز ەلدىڭ قالاۋى مەن قاراپايىم ازاماتتاردىڭ تالابىنا ۇنەمى نازار اۋدارىپ, ءار شەشىم قابىلداعاندا ەسكەرىپ جۇرەدى. جالپى, قول قويىلعان التى زاڭ دا – پرەزيدەنت ايتقان ادىلەتتىلىك, اشىقتىق جانە جاناشىرلىق قاعيداتتارىنا نەگىزدەلگەن مەملەكەتىمىزدىڭ دەموكراتيالىق باعىتتاعى كەزەكتى كەزەڭىنە جول اشاتىن قۇقىقتىق قۇجاتتار. ال مۇنىڭ بارلىعىنىڭ باستاۋىندا ماۋسىم ايىندا جالپى رەسپۋبليكالىق دەڭگەيدە وتكىزىلگەن رەفەرەندۋم ناتيجەسى نەگىزىن قالاعان – حالىق تاڭداۋى تۇرعانى انىق.
ايدا بالاەۆا,
پرەزيدەنت اكىمشىلىگى باسشىسىنىڭ ورىنباسارى
