«التىنشى اي قاتارىنان يندەكس تەرىس ايماقتا قالىپ وتىر. قازان ايىندا ەكونوميكاداعى ىسكەرلىك بەلسەندىلىك قالپىنا كەلدى. جاڭا تاپسىرىستاردىڭ وسۋىنە جانە جەكەلەگەن سەكتورلارداعى جۇمىسپەن قامتۋ دەڭگەيىنە بايلانىستى ىسكەرلىك بەلسەندىلىك يندەكسى قىركۇيەكتەگى 48,2-دەن 49,1-گە دەيىن ءوستى», دەلىنگەن ۇلتتىق بانكتىڭ رەسمي سايتىندا جاريالانعان حابارلامادا.
اقپاراتقا سايكەس, تاۋ-كەن ونەركاسىبىندە يندەكس 50-گە, قۇرىلىس جانە قىزمەت كورسەتۋ سالالارىندا سايكەسىنشە 47,5 جانە 49,2-گە دەيىن جاقساردى. وڭدەۋ ونەركاسىبىندە كورسەتكىش وزگەرىسسىز قالدى – 48,5.
2022 جىلدىڭ قازان ايىندا بيزنەستىڭ اعىمداعى جاعدايىن باعالاۋ سوڭعى 5 ايدا العاش رەت وڭ كورسەتكىشتە بولعان. الداعى 6 ايعا ارنالعان بولاشاق بيزنەس جاعدايلارىن باعالاۋ دا جاقسارعان.
ناتيجەسىندە بۇگىنگى جانە كەلەشەكتەگى بيزنەس-جاعدايلاردى ورتاشا باعالاۋدى بىلدىرەتىن بيزنەس-احۋال يندەكسى ۇلعايىپ, بيزنەس-تسيكل «ساعاتىنىڭ» ينديكاتورى كوتەرىلۋ ايماعىنان وسۋ ايماعىنا وتكەن.
سونداي-اق كاسىپورىنداردىڭ باعالاۋى بويىنشا, دايىن ونىمگە دەگەن سۇرانىس جاقسارعان.
