ءىس-شارا بارىسىندا نۇرلان اۋەسباەۆ جينالعان قاۋىمدى ءوزىنىڭ سايلاۋالدى باعدارلاماسىنىڭ نەگىزگى تارماقتارىمەن تانىستىردى. ۇمىتكەر ءوز سوزىندە قازاقستانداعى ەكونوميكالىق جاعدايدىڭ كوڭىل كونشىتپەيتىنىن اتاپ ءوتتى. ينفلياتسيا مەن باعا ءوسىمى, سونىمەن بىرگە ۇلتتىق ۆاليۋتا باعامىنىڭ اركەز تومەندەۋى – قاتارداعى قازاقستاندىقتاردىڭ قالتاسىنا اۋىر تيۋدە. سول سەبەپتى نۇرلان اۋەسباەۆتىڭ سايلاۋالدى باعدارلاماسىنىڭ العاشقى تارماعى ساياسي رەفورمالارعا ارنالعان.
جسدپ-دان ۇمىتكەردىڭ پىكىرىنشە, مۇنىڭ الدىن الۋ ءۇشىن «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىنان باس تارتۋىمىز كەرەك. «بۇل فورمۋلادا ءبىرىنشى كەزەكتە كاسىبي, داعدارىسقا قارسى ۇكىمەتتى قۇراتىن ءبىر پالاتالى پارلامەنت مىقتى بولۋى كەرەك. سونىمەن قاتار ءماجىلىستىڭ 50 پايىزى وزدەرىن قولداعان حالىق الدىندا جاۋاپتى بولاتىن ءوزىن-ءوزى ۇسىنۋشىلاردان قۇرالۋعا ءتيىس. سول كەزدە عانا ءبىراز دۇنيە, ونىڭ ىشىندە ءبىلىم بەرۋ سالاسىنداعى ماسەلەلەر شەشىلە باستايدى», دەيدى ول.
نۇرلان اۋەسباەۆتىڭ پايىمداۋىنشا, مەديتسينا سەكىلدى ءبىلىم بەرۋ سالاسى دا مەملەكەت تاراپىنان جوعارى دەڭگەيدە قارجىلاندىرىلۋعا ءتيىس.
