«ەگەر ءاربىر ازامات ساپالى تاۋارلار مەن قىزمەتتەردى تۇتىنۋ كەزىندە ءوز قۇقىعىن قورعايتىن بولسا, ناتيجەسىندە تىكەلەي نەمەسە جاناما تۇردە بيزنەسمەندەر اراسىندا سالاماتتى باسەكەلەستىكتى ارتتىرۋعا ىقپال ەتەدى. ىرىكتەلىپ, تەك ۇزدىكتەرى قالادى», دەدى سالتانات تۇرسىنبەكوۆا.
قازاقستاندىقتاردىڭ 35 پايىزى تۇتىنۋشى قۇقىعى بۇزىلسا ەشقايدا جۇگىنبەيدى ەكەن. مۇنداي ناتيجەلەردى تابيعي مونوپوليالاردى رەتتەۋ, باسەكەلەستىكتى قورعاۋ جانە تۇتىنۋشىلاردىڭ قۇقىقتارىن قورعاۋ كوميتەتىنىڭ 2017 جىلعى الەۋمەتتىك ساۋالناماسى كورسەتتى. 2021 جىلى تابيعي مونوپوليالاردى رەتتەۋ كوميتەتى جۇرگىزگەن تاعى ءبىر الەۋمەتتىك زەرتتەۋ قازاقستاندا تۇتىنۋشىلاردىڭ قۇقىقتارى نەگىزىنەن بولشەك ساۋدا, قوعامدىق تاماقتاندىرۋ, قوعامدىق كولىك, حقكو جانە بازارلارداعى ساۋدا سالالارىندا بۇزىلاتىنىن كورسەتتى.
«ساۋدا ورتالىقتارىنا, دۇكەندەرگە, بازارلارعا, تاماقتانۋ ورىندارىنا بارامىز. وسى ماسەلەلەردە تۇتىنۋشى رەتىندە قۇقىقتارىمىز قانشالىقتى قورعالعان؟ تاۋار ب ۇلىنسە, قىزمەت تولىق كولەمدە, ءوز ۋاقىتىندا كورسەتىلمەسە شە؟ قازاقستاندا وسى بويىنشا ارنايى تۇتىنۋشىلاردىڭ قۇقىعىن قورعايتىن زاڭ قابىلدانعان, بىراق ونى قاراپايىم ازاماتتار بىلە بەرمەيدى», دەدى كانديدات.
