ال شىعارماشىلىق زيالى قاۋىم وكىلدەرىمەن كەزدەسۋدە شتاب مۇشەلەرى كانديداتتىڭ تاريحي مۇرانى ساقتاۋ, مادەنيەتتى قولداۋ جانە وتاندىق ونەردى دامىتۋ بويىنشا ۇسىنىستارىن تالقىلادى.
«قوعامدىق كەلىسىمدى نىعايتۋ, جاستارعا دۇرىس تاربيە بەرۋ جانە وسكەلەڭ ۇرپاقتىڭ بويىنا جاسامپاز قۇندىلىقتاردى ءسىڭىرۋ ىسىندە زيالى قاۋىم وكىلدەرى ايرىقشا ءرول اتقارادى. سىزدەردىڭ جاستارمەن اڭگىمەلەسىپ, ولاردى بەلسەندى بولۋعا, 20 قاراشادا سايلاۋ ۋچاسكەلەرىنە كەلىپ, ءوز تاڭداۋىن جاساۋعا شاقىرعاندارىڭىز ماڭىزدى», دەدى رەسپۋبليكالىق قوعامدىق شتابتىڭ باسشىسى ەرلان قوشانوۆ.
جەرگىلىكتى كاسىپكەرلەرمەن جانە شارۋالارمەن كەزدەسۋدە كانديداتتىڭ سايلاۋالدى باعدارلاماسىندا كورىنىس تاپقان شاعىن جانە ورتا بيزنەستى قولداۋ شارالارى تالقىلاندى. بۇدان سوڭ, بالپىق بي اۋىلىندا شتاب مۇشەلەرى كوكسۋ قانت زاۋىتىنىڭ ەڭبەك ۇجىمىمەن كەزدەسىپ, بيزنەس پەن ەڭبەك ادامىن قولداۋ جونىندەگى باسىمدىقتارعا نازار اۋداردى. سول كۇنى شتاب مۇشەلەرى وڭىردەگى ۇكىمەتتىك ەمەس ۇيىمداردىڭ جانە جاستار ۇيىمدارىنىڭ باسشىلارىمەن بىرگە سايلاۋالدى باعدارلامانىڭ قازاقستاندى ساياسي جاڭعىرتۋعا ارنالعان بلوگىن تالقىلادى.
ەرلان قوشانوۆ جاستاردى سايلاۋ ناۋقانىنا بەلسەندى اتسالىسۋعا شاقىردى.
