فورۋمعا پرەزيدەنت اكىمشىلىگىنىڭ مەملەكەتتىك باسقارۋ ءبولىمىنىڭ مەڭگەرۋشىسى ءالتايىر احمەتوۆ, عىلىم جانە جوعارى ءبىلىم ءمينيسترى ساياسات نۇربەك, HR مەنەدجەرلەرى قاۋىمداستىعىنىڭ جالپى جينالىسىنىڭ توراعاسى ءاليحان بايمەنوۆ, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ولجاس ورداباەۆ, ۋنيۆەرسيتەتتىڭ باسقارما توراعاسى تالعات نارىكباەۆ جانە باسقا دا تانىمال قوعام قايراتكەرلەرى, HR مەنەدجەرلەر مەن ينفليۋەنسەرلەر قاتىستى.
«شەشىمنىڭ جولى – ماماندا. دجين كوللينز ءوزىنىڭ «جاقسىدان ۇلىعا» اتتى ەڭبەگىندە بارلىق ماسەلەنى مىقتى كادر شەشەتىنىن اتاپ وتكەن بولاتىن. ءبىزدىڭ ۋنيۆەرسيتەتتىڭ باستى ماقساتى – حالىققا قىزمەت ەتۋ. سول سەبەپتى قوعامعا كەرەك تۇلعالاردى دايارلايمىز. ويتكەنى ءاربىر ديپلوم العان تۇلەككە جاۋاپتىمىز», دەدى ت.نارىكباەۆ.
مامان دايارلاۋعا قاتىستى ماڭىزدى ءماسليحاتتا HR-دىڭ جوعارى وقۋ ورىندارىنداعى وڭ وزگەرىستەردى باسقارۋداعى ءرولى, قازىرگى HR ستۋدەنتتەردىڭ ەلىمىزدەگى كورپوراتيۆتىك باسقارۋ مادەنيەتىن دامىتۋداعى الەۋەتى توڭىرەگىندەگى وزەكتى ماسەلەلەر تالقىلاندى.
«ادامي كاپيتالدىڭ دامۋ دەڭگەيى – الەۋمەتتىڭ دامۋ ينديكاتورى. XXI عاسىر – ءتۇرلى بيوتەحنولوگيا, ينفوكوممۋنيكاتسيا زامانى. بىراق وسىنىڭ ءبارى ادام ءۇشىن, ادام جاسايدى. ادامزات تەحنولوگيالىق دامۋ ساتىسى جوعارىلاعان سايىن ادامي كاپيتال قۇندىلىعى دا نىعايا تۇسەدى. سول سەبەپتەن ورتامىزعا كەلىپ وتىرعان ستۋدەنتتەر – بولاشاق HR مامانداردىڭ ساپاسى ماڭىزدى. فورۋمعا قاتىسىپ وتىرعان ءبىلىم الۋشىلارعا 500-دەن استام كاسىبي مامان كىرەتىن HR مەنەدجەرلەرى قاۋىمداستىعىنا ءبىر جىلدىق مۇشەلىگىن تەگىن ۇسىنۋدى قۇپ كورىپ وتىرمىز», دەدى ءا.بايمەنوۆ.
بارلىق وڭ وزگەرىستىڭ نەگىزى – ادام كاپيتالى. ال سول اكتيۆتi قۇندى ەتەتىن, ۇزدىكسىز دامىتاتىن قازاقستاندىق جوعارى ءبىلىم وشاقتارىندا HR ماماندارىنىڭ دايىندىعى, HR وقۋ باعدارلامالارى ساپاسى, زاماناۋي ۇدەرiس-تالاپتارعا سايكەستىگى, ءوندiرiس-الەۋەتتi جۇمىس بەرۋشىلەرمەن بايلانىس تەتىكتەرى, ۋنيۆەرسيتەتتەردىڭ وكىتۋشى-قىزمەتكەرلەرىن كاسىبي دامۋعا ىنتالاندىراتىن HR ستراتەگياسى وتە وزەكتى.
«ۋنيۆەرسيتەتتەردىڭ HR كوماندالارى وڭ وزگەرىستەردى قامتاماسىز ەتۋدە ماڭىزدى تەتىك ەكەنىن ءبارىمىز مويىندايمىز. وقىتۋشىلار, عالىمدار, اكىمشىلىك قىزمەتكەرلەر – بارلىعى ۋنيۆەرسيتەت ميسسياسى مەن ستراتەگياسىن, مەملەكەتتىك ساياسات تۇرعىسىنان جوعارى ءبىلىم مەن عىلىم الدىنداعى باستى ماقساتتاردى جەتىك ءتۇسىنىپ, ساپالى ءبىلىم بەرۋ ءۇشىن دە HR مەنەدجمەنتى ىنتالاندىرۋدىڭ, موتيۆاتسيالاۋدىڭ زاماناۋي ەرەكشەلىكتەرى مەن ۇدەرىستەرىنەن حاباردار بولۋى ۋاقىت تالابى. مىقتى HR-ى بار ۇيىم قاي كەزدە دە الدىڭعى شەپتە بولماق. وسى فورۋمنىڭ قورىتىندىلارى مىندەتتى تۇردە بۇقاراعا جەتكىزىلىپ, مامانداردىڭ كۇندەلىكتى جۇمىسىندا قولدانىلادى. وسىنداي ۋاقتىلى ءارى وزەكتى باستامانى العا تارتىپ, HR ستۋدەنتتەرىنىڭ ءبىرىنشى فورۋمىن ۇيىمداستىرعان وقۋ ورنىنا العىس ايتامىن», دەدى عىلىم جانە جوعارى ءبىلىم ءمينيسترى ساياسات نۇربەك.
