توعىز ايدىڭ قورىتىندىسى بويىنشا وندىرىلگەن كەندەگى مىستىڭ ورتاشا مولشەرى 0,88 پايىزعا جوسپارلانىپ, 0,98 پايىزدى قۇراعان. وتكەن جىلدىڭ سايكەس كەزەڭىندەگى كورسەتكىش 0,95 پايىزعا تەڭ. قاڭتار-قىركۇيەك ارالىعىندا «قازاقمىس» بايىتۋ فابريكالارى 23 ملن 358 مىڭ توننا كەن وڭدەگەن. 2021 جىلدىڭ 9 ايىندا 23 ملن 419 مىڭ توننا كەن وڭدەلگەن بولاتىن. سونداي-اق 189,750 مىڭ توننا كونتسەنتراتتى مىس وندىرىلگەن. 2021 جىلدىڭ ۇقساس كەزەڭىمەن سالىستىرعاندا (185,998 مىڭ توننا) كورسەتكىش 3,752 مىڭ تونناعا ۇلعايدى. 2022 جىلدىڭ 9 ايىندا وندىرىلگەن كاتودتى مىس كولەمى 205,631 مىڭ تونناعا تەڭ. ءبىر جىل بۇرىنعى دەڭگەيمەن (166,739 مىڭ توننا) سالىستىرعاندا كورسەتكىش 38,892 مىڭ تونناعا ۇلعايعان.
قۇيمالارداعى التىن كولەمى 5 635 كيلونى قۇرادى. وتكەن جىلدىڭ سايكەس كەزەڭىمەن سالىستىرعاندا (4 394 كەلى) +28,2 پايىزعا نەمەسە 1 241 كيلوعا وسكەن. قۇيمالار مەن تۇيىرشىكتەردەگى كۇمىس 229 314 كيلوعا تەڭ. ءبىر جىل بۇرىن كورسەتكىش 207 748 كيلونى قۇراعان بولاتىن. كورسەتكىش ءبىر جىلدا 21 566 كيلوعا (+10,38 پايىز) ۇلعايعان.
– «قازاقمىس» كاسىپورىندارىندا ءوندىرىس بەلگىلەنگەن جوسپارلارعا سايكەس جۇرگىزىلىپ جاتىر. ءبىز باسقارۋ پروتسەستەرىن جاقسارتۋ ءۇشىن ۇنەمى جۇمىس ىستەيمىز. جاقىن ارادا كاسىپورىنداردى باسقارۋ جۇيەسىن وڭتايلاندىرۋ دايىندالىپ جاتىر. «جەزقازعانتۇستىمەت», «قاراعاندىتۇستىمەت», «بالقاشتۇستىمەت» وندىرىستىك بىرلەستىكتەرى تاراتىلادى. كورپوراتسيا قۇرامىندا تاۋ-كەن بايىتۋ كەشەنى قۇرىلۋدا. كەشەننىڭ باس ديرەكتورى كەنىشتەر مەن فابريكالاردىڭ ديرەكتورلارىمەن تىكەلەي جۇمىس ىستەيتىن بولادى. «قازاقمىس» باسشىلىعى ءۇشىن كومپانيانىڭ بارلىق كاسىپورىنىنداعى الەۋمەتتىك ساياسات بۇرىنعىسىنشا نەگىزگى باسىمدىق بولىپ قالا بەرەدى. ماسەلەن, 2022 جىلعى 10 جەلتوقسانعا دەيىن رەسپۋبليكاداعى ينفلياتسيالىق پروتسەستەرگە بايلانىستى قىزمەتكەرلەرىمىزدىڭ جالاقىسىن ارتتىرۋ مولشەرى ەسەپتەلەدى جانە 2023 جىلعى 1 قاڭتاردان باستاپ كوتەرىلەدى, – دەيدى «قازاقمىس كورپوراتسياسى» جشس باسقارما توراعاسىنىڭ ءبىرىنشى ورىنباسارى اندرەي گايدين.
وسى جىلدىڭ ءتورتىنشى توقسانىندا «قازاقمىس» كاتود بالاماسىندا 78,9 مىڭ توننا مىس ءوندىرۋدى جوسپارلاپ وتىر.
