سونىمەن قاتار ازاماتتاردى قابىلداپ, پروبلەمالارىمەن تانىسىپ, وتىنىشتەرى مەن ۇسىنىستارىن نازارعا الدى.
پارتيا اكتيۆىمەن كەزدەسۋدە نۇرلان اۋەسباەۆ جسدپ بەلسەندىلەرىن ءوزىنىڭ سايلاۋالدى باعدارلاماسىنىڭ نەگىزگى تارماقتارىمەن تانىستىردى. قۇجاتتا ساياسي رەفورمالارعا باسا نازار اۋدارىلعانىن اتاپ ءوتتى. ۇمىتكەردىڭ پىكىرىنشە, «الدىمەن ەكونوميكا, كەيىن ساياسات» ستراتەگياسى ءتيىمسىز بولىپ شىقتى. پارتيالىق-ساياسي ءورىستى تولىققاندى رەفورمالاۋ قاجەت.
كەزەك كۇتتىرمەيتىن تاعى ءبىر وزەكتى ماسەلە – ەكونوميكاعا تۇساۋ بولىپ وتىرعان جەمقورلىق. بۇل جاعىمسىز قۇبىلىستى جويۋ ءۇشىن كانديدات پاراقورلارعا قاتىستى جازانى بارىنشا كۇشەيتۋدى ۇسىنادى. ن.اۋەسباەۆتىڭ پىكىرىنشە, سىبايلاس جەمقورلىق قىلمىس ءۇشىن سوتتالعانداردى مەرزىمىنەن بۇرىن بوساتۋ قۇقىعىنان ايىرۋ قاجەت.
بيۋدجەت قاراجاتىنىڭ بولىنۋىنە قاتىستى حالىقتىق باقىلاۋ ورناتىلعان كەزدە عانا سىبايلاس جەمقورلىقپەن كۇرەسۋگە بولادى. نۇرلان اۋەسباەۆتىڭ پايىمداۋىنشا, ول ءۇشىن ەلگە وليگارحتاردىڭ ەمەس, حالىقتىڭ ءتۇرلى توپتارىنىڭ قىزىعۋشىلىقتارىن قورعايتىن كۇشتى ءبىر پالاتالى پارلامەنت قاجەت.
