ساتىپ الۋشىلار تاراپىنان باعالارعا قاتىستى كوپتەگەن سۇراق تۋىندادى. نەگىزىنەن باعانىڭ تۇراقسىزدىعى, ونىڭ ۇنەمى كوتەرىلەتىنى, تاۋاردىڭ قىمباتتىعى تۋرالى ايتىلدى. ساتۋشىلاردان «وتاندىق تاۋار وندىرۋشىلەردەن تاۋارلاردى جۇيەلى تۇردە جەتكىزۋ جوق, سوندىقتان يمپورتتىق دايىن ونىمدەرمەن جۇمىس ىستەۋگە تۋرا كەلەدى» دەگەن شاعىم بولدى.
– ازىق-ت ۇلىك تاۋارلارى باعاسىنىڭ تۇراقتى ءوسۋى – ەلدىڭ ازىق-ت ۇلىك قاۋىپسىزدىگىنە تىكەلەي تونگەن قاۋىپ. ازىق-ت ۇلىك قاۋىپسىزدىگى ەلەمەنتتەرىنىڭ ءبىرى – ازاماتتاردىڭ قولجەتىمدى, قولايلى باعامەن ازىق-ت ۇلىك ساتىپ الۋ مۇمكىندىگى. بۇل ءبىزدىڭ ەلدە جوق. مۇنىڭ ءبارى رەتتەلۋى ءۇشىن ەڭ باستىسى, كۇشتى قولداۋ قاجەت. قاپتاماعا ىڭعايلى, ساپالى, سۇرىپتالعان ءونىم كوپ بولۋى كەرەك. ول ءۇشىن كووپەراتيۆتەر, ساتۋ كووپەراتيۆتەرى قۇرىلۋعا ءتيىس. مەملەكەتتىڭ اگرارلىق ساياساتىن ۇيلەستىرۋ قاجەت. ول ءۇشىن اۋىل شارۋاشىلىعى ينفراقۇرىلىمىن قۇرۋ ماڭىزدى. اۋىل ەڭبەككەرلەرىنىڭ اۋىلدا وندىرەتىن ونىمدەرىن ءدال وسى ۇيىمدار ساتىپ الىپ, قالاعا جەتكىزەدى. مۇنىڭ ءبارى اۋىل شارۋاشىلىعى تاۋارىن وندىرۋشىلەردىڭ كووپەراتسياسى نەگىزىندە بولۋعا ءتيىس. باعالار قولايلى بولۋى ءۇشىن اۋىلشارۋاشىلىق ونىمدەرىن كوبىرەك ءوندىرىپ, ساپالى ءونىم شىعارۋ كەرەك, – دەدى كانديدات.
