كانديدات ۇجىمعا ءوزىنىڭ سايلاۋالدى باعدارلاماسىن تانىستىردى. جيىندا رەسپۋبليكانىڭ نارىقتىق قاجەتتىلىكتەرىنە سايكەس ەلدەگى جوعارى جانە جوعارى وقۋ ورنىنان كەيىنگى ءبىلىم «ەلدىڭ زياتكەرلىك الەۋەتىن قالىپتاستىرا الاتىنداي» جاڭعىرتىلۋى قاجەت ەكەنى ايتىلدى. سوندىقتان م.قاجىكەن وڭىرلىك ۋنيۆەرسيتەتتەرگە كوبىرەك كوڭىل ءبولۋ كەرەك ەكەنىن, ءتۇرلى عىلىمي زەرتتەۋلەر جۇرگىزىلۋ ءۇشىن ءار ءبىلىم ورداسى ءوزىنىڭ عىلىمي-تەحنيكالىق بازاسىن قۇرۋ كەرەك ەكەنىن ايتتى.
كانديدات جالاقىنى كوتەرۋ, الەۋمەتتىك تولەمدەر جانە زەينەت جاسىن تومەندەتۋ سەكىلدى تاقىرىپتاردى دا قوزعادى. بۇل رەتتە, بازالىق الەۋمەتتىك مولشەرلەمەلەردى قايتا قاراۋ قاجەتتىگىن ناقتىلادى. «ازىق-ت ۇلىك باعاسىن قايتا ەسەپتەۋ كەرەك. كوممۋنالدىق قىزمەتتەر, بالالارعا تاتتىلەر, كىتاپ ساتىپ الۋ, تەاترعا كەم دەگەندە ايىنا ءبىر رەت بارۋ كەرەك. بىراق بۇل شىعىندار ەسكەرىلمەيدى. وسىلاي جۇمىس بەرۋشىلەر قىزمەتكەرلەردىڭ جالاقىسىن ەسەپتەۋ كەزىندە ەڭ تومەنگى جالاقىنىڭ شاعىن كورسەتكىشىن شىعارادى. ول ءۇشىن مۇناي رەسۋرستارىنا ەمەس, كاسىپكەرلىككە بايلانىستى ەكونوميكا مودەلىن وزگەرتۋ كەرەك», دەدى مەيرام قاجىكەن.
