مينيستر پرەزيدەنت ستەۆو پەنداروۆسكيمەن جانە اسسامبلەيانىڭ (پارلامەنتتىڭ) توراعاسى تالات دجافەريمەن كەزدەسۋلەر وتكىزدى. سونداي-اق سىرتقى ىستەر ءمينيسترى بۋيار وسمانيمەن كەلىسسوزدەر جۇرگىزدى.
سولتۇستىك ماكەدونيا پرەزيدەنتىمەن حالىقارالىق كۇن تارتىبىندەگى وزەكتى ماسەلەلەر تالقىلاندى. م.تىلەۋبەردى پرەزيدەنت قاسىم-جومارت توقاەۆتىڭ قازاقستاندى ساياسي جاڭعىرتۋ جونىندەگى اۋقىمدى باعدارلاماسىن ىسكە اسىرۋ تۋرالى ەگجەي-تەگجەيلى باياندادى.
اسسامبلەيا توراعاسى ت. دجافەريمەن سۇحبات بارىسىندا قر ءسىم باسشىسى قازاقستانداعى پارلامەنتاريزم مەن كوپپارتيالىلىقتى نىعايتۋ پروتسەسى تۋرالى حاباردار ەتتى. تاراپتار پارلامەنتارالىق بايلانىستاردى كەڭەيتۋ جانە پارلامەنتتىك دوستىق توپتارىنىڭ قىزمەتىن جانداندىرۋ جولدارىن ەگجەي-تەگجەيلى تالقىلادى. زاڭ شىعارۋشىلاردىڭ ساپارلارىمەن الماسۋ جانە ولاردىڭ حالىقارالىق پارلامەنتتىك ينستيتۋتتار شەڭبەرىندەگى ءوزارا ءىس-قيمىلىنىڭ ماڭىزدىلىعى اتاپ ءوتىلدى.
