ءمينيستردىڭ ايتۋىنشا, تسيفرلاندىرۋدى ەنگىزۋ شەڭبەرىندە ءاربىر پەداگوگتە اتتەستاتتاۋدان ءوتۋ, جۇمىسقا قابىلداۋ, كونكۋرستارعا قاتىسۋ تۋرالى اقپارات بولاتىن تسيفرلىق پورتفوليو بولادى. مەكتەپتەردەگى وقۋلىقتاردى تاڭداۋدا اكادەميالىق دەربەستىك بەرىلەدى.
«اتتەستاتتار مەن ديپلومدار QR-كود بويىنشا تسيفرلىق فورماتتا بەرىلەدى. ءار وقۋشىنىڭ وزىندىك ساندىق ءپروفيلى بولادى. سۇرانىسقا يە قىزمەتتەر ەGوv جانە ءىرى بانكتەردىڭ ءموبيلدى قوسىمشالارى ارقىلى كورسەتىلەدى», دەدى اسحات ايماعامبەتوۆ.
ول سونداي-اق مەكتەپتەردەگى ورىن تاپشىلىعى ماسەلەسى قالاي شەشىلەتىنىن ايتا كەتتى.
«مەملەكەت باسشىسى «جايلى مەكتەپ» ۇلتتىق جوباسىن جۇزەگە اسىرۋ جونىندە تاپسىرما بەرگەن ەدى. ۇلتتىق جوبا اياسىندا 2025 جىلدىڭ سوڭىنا دەيىن 800 مىڭنان استام وقۋشى ورنى پايدا بولادى, بۇل ءۇش اۋىسىمدى جانە اپاتتى مەكتەپتەر ماسەلەسىن شەشەدى. جاڭا مەكتەپتەر ءۇشىن قۇرىلىس پەن جاراقتاندىرۋدىڭ بىرىڭعاي ستاندارتىن قولدانۋ جوسپارلانۋدا», دەپ تۇيىندەدى مينيستر.
