نەگىزگى كەزەڭنىڭ ءبىرىنشى توبىندا ونەر كورسەتەتىن الماتىنىڭ «قايراتى» ءبىرىنشى تۋردا بەلگيانىڭ «سپورتينگ اندەرلەحت» كلۋبىمەن كەزدەسىپ, 2:2 ەسەبىمەن تەڭ وينادى. ماتچتىڭ بەسىنشى مينۋتىندا الاڭ يەلەرىنەن فرانكو ەلوۆيچ ەسەپ اشسا, 17-مينۋتتا «قايراتتىڭ» ويىنشىسى رۋيس لاۆراتتي تارازى باسىن تەڭەستىردى. دەگەنمەن ەكىنشى تايمدا «اندەرلەحت» تاعى دا ەسەپتە العا شىعىپ الدى. گولدىڭ اۆتورى – ديوگو. ماتچتىڭ اياقتالۋىنا ەكى مينۋت قالعاندا كاكا الاڭعا بەسىنشى ويىنشىنى شىعاردى. ناتيجەسىندە, داۋرەن تۇرساعۇلوۆ 38-مينۋتتا مەرگەندىك تانىتىپ, كومانداسىن جەڭىلىستەن قۇتقارىپ قالدى – 2:2. «قايرات» كەشە ەكىنشى تۋردا يسپانيانىڭ «پالما» ۇجىمىمەن وينادى.
سونداي-اق رۋدنىيدىڭ «اياتى» دا العاشقى تۋردا ۇپاي بولىسۋگە ءماجبۇر بولدى. حورۆاتيادا وتكەن ماتچتا قازاقستاندىق كلۋب جەرگىلىكتى «نوۆو ۆريەمە» كلۋبىمەن كەزدەسىپ, تەڭ ءتۇستى. «ايات» ساپىنان انتون رىندين مەن لەاندرو گول سوقسا, الاڭ يەلەرىنەن توني ەلاۆيچ ءبىر گولدى ءوز ەنشىسىنە جازدى. وكىنىشكە قاراي, ازات ۆاليۋللين بايقاۋسىزدا ءوز قاقپاسىنا گول سوعىپ الدى. «ايات» كەشە پورتۋگاليانىڭ «سپورتينگ» كلۋبىمەن شەبەرلىك بايقاستى.
