جيىندا قاراقات ابدەن ءوزىنىڭ سايلاۋالدى باعدارلاماسىن تانىستىردى. ول ءوز سوزىندە ۇلتتىق كيىم وندىرۋشىلەرىنىڭ ەڭبەگى ەلەنبەي جاتقانىنا نازار اۋدارىپ, ۇلتتىق كيىم وندىرىسىنە مەملەكەت تاراپىنان كەڭىنەن قولداۋ كورسەتۋ كەرەكتىگىن ايتتى. «ۇلتتىق كيىم – ەستەتيكالىق ءسان عانا ەمەس, حالقىمىزدىڭ ءتالىم-تاربيەسىن, جاستاردىڭ بويىنا پاتريوتتىق سەزىم ءسىڭىرۋدىڭ ەڭ ءتيىمدى قۇرالى. ءداستۇر دە, ونەر دە, حالقىمىزدىڭ فيلوسوفياسى دا ۇلتتىق كيىمىمىزدە جاتىر. بۇرىن تەك ناۋرىز مەرەكەسىندە ەسىمىزگە تۇسەتىن ۇلتتىق كيىم قازىرگى كەزدە سۇرانىسى بار ونىمگە, ترەندكە اينالدى. وسى ورايدا ۇلتتىق كيىم وندىرۋشىلەرىنىڭ ەڭبەگى زور. ءبىز ۇلتتىق كيىم وندىرۋشىلەرىنە بارىنشا قولداۋ كورسەتۋىمىز كەرەك. مەنىڭ سايلاۋالدى باعدارلامام ۇلتتىق مادەنيەتىمىزدى نەگىزگە الا وتىرىپ جاسالعاندىقتان, بۇعان باسا ءمان بەرەمىن», دەدى قاراقات ابدەن.
كەزدەسۋ بارىسىندا ق.ابدەن ۇلتتىق كيىمدەر شەرۋىن وتكىزۋدى ۇسىندى. بۇل وزەكتى ۇسىنىس كوپشىلىكتىڭ قولداۋىنا يە بولدى. «قاراقات ابدەننىڭ ۇلتتىق قۇندىلىقتاردى دارىپتەپ, ءبىزدىڭ ماسەلەلەرىمىزگە كوپ كوڭىل بولگەنى قۋانتادى. ۇمىتكەردىڭ وسى سالادا وزىندىك پايىمى, تانىمى بار ەكەندىگى كورىنىپ تۇر. ۇلتتىق كيىمدەر شەرۋىن بىرلەسىپ وتكىزۋگە دايىنبىز», دەدى «بەرگەن» توقىما مەكتەبىنىڭ وكىلى ءلايلا لاۆرقىزى.
