باعدارلاماعا سايكەس «قىرعىز كينوسىنىڭ كۇندەرى», شىڭعىس ايتماتوۆتى ەسكە الۋعا ارنالعان «دوڭگەلەك ۇستەل», حالىق ارتىستەرىنىڭ, حالىق اقىن-جازۋشىلارىنىڭ, كينو قايراتكەرلەرىنىڭ, عىلىم دوكتورلارىنىڭ, قىرعىزستان مەن قازاقستاننىڭ قوعام قايراتكەرلەرىنىڭ كەزدەسۋى وتۋدە.
سونىمەن قاتار 28 قازاندا «ماناس» ەپوسىنا ارنالعان ءىس-شارا جانە نۇردين تۇگەلوۆ اتىنداعى «اق مارال» مەملەكەتتىك بي ءانسامبلى مەن شالاعىز يساباەۆ اتىنداعى «قامبارقان» فولكلورلىق-ەتنوگرافيالىق ءانسامبلىنىڭ كونتسەرتتەرى وتەدى.
29 قازاندا قازاقستان رەسپۋبليكاسىندا قىرعىز رەسپۋبليكاسىنىڭ مادەنيەت كۇندەرىنىڭ سالتاناتتى جابىلۋى وتەدى, وندا توقتوبولوت ءابدىمومىنوۆ اتىنداعى قىرعىز ۇلتتىق اكادەميالىق دراما تەاترىنىڭ «سامانچىنىن جولۋ» سپەكتاكلى كورسەتىلەدى.
قىرعىزستاننىڭ مادەنيەت كۇندەرى دەلەگاتسياسىن قىرعىز رەسپۋبليكاسىنىڭ مادەنيەت, اقپارات, سپورت جانە جاستار ساياساتىنىڭ ءمينيسترى التىنبەك ماقسۇتوۆ باسقارادى. بۇل مادەني شاراعا قىرعىزستاننان 300-دەن استام ادام قاتىسادى.
ولاردىڭ اراسىندا حالىق ارتىستەرى, حالىق اقىن-جازۋشىلارى, كينو قايراتكەرلەرى, عىلىم دوكتورلارى جانە كسرو حالىق ءارتىسى سامارا توقتاقۇنوۆا باستاعان قوعام قايراتكەرلەرى جانە وزگە دە ونەر ۇجىمدارى بار.
ەسكە سالساق, 2021 جىلعى 2-3 ناۋرىزدا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ شاقىرۋىمەن قىرعىز رەسپۋبليكاسىنىڭ پرەزيدەنتى سادىر جاپاروۆ قازاقستان رەسپۋبليكاسىنا مەملەكەتتىك ساپارمەن كەلگەن بولاتىن. كەلىسسوزدەر بارىسىندا ەكى ەلدىڭ ەكىجاقتى جانە كوپجاقتى ىنتىماقتاستىعىنىڭ وزەكتى ماسەلەلەرى تالقىلانىپ, مادەنيەت كۇندەرىن تەپە-تەڭ نەگىزدە وتكىزۋ تۋرالى ۋاعدالاستىقتارعا قول جەتكىزىلدى.
تيىسىنشە, قازاقستان رەسپۋبليكاسىنىڭ مادەنيەت كۇندەرى قىرعىزستاندا 2021 جىلعى 7-9 قازاندا بىشكەك قالاسىندا ءوتتى.
