ءمينيستردىڭ ايتۋىنشا, عالامتورداعى جالعان اقپارات اعىنى قوعامدىق پىكىرگە اسەر ەتەدى. مۇنداي جاعدايلاردا اقپاراتتى جيناۋ, تالداۋ جانە تاراتۋ ۇلكەن جاۋاپكەرشىلىك جۇكتەيدى. سوندىقتان, اقدم باسشىسىنىڭ ايتۋىنشا, جۋرناليستيكا مەن باق-تىڭ باستى ميسسياسى - اقپاراتتى سانالى تۇردە جاريالاۋ, اۋديتوريانى دالەلدەنگەن دەرەكتەرگە سەنۋگە شاقىرۋ.
«مينيسترلىكتىڭ تىكەلەي مىندەتى - باق مەكتەپتەرىن اشۋ, مەديا ساۋاتتىلىق سالاسىندا ءبىلىم بەرۋدى قالىپتاستىرۋ. بىرقاتار بىرلەسكەن شارالار قابىلدانۋى كەرەك, فاكتىلەردى تەكسەرۋ, اقپاراتتى تالداۋ, مازمۇننىڭ شىعۋ تەگىن تەكسەرۋ, تاراتۋ الدىندا مازمۇندى «سۇزگىدەن» وتكىزەتىن كريتەريلەر جاساۋ سياقتى بىرنەشە كەزەڭنەن تۇراتىن وقىتۋ جۇيەسىن قۇرۋ قاجەت. باق تۋرالى زاڭ جوباسىنداعى كەيبىر جاڭالىقتار وسىعان بايلانىستى بولادى», دەپ اتاپ ءوتتى دارحان قىدىرالى Astana مedia Week اياسىندا.
ونىڭ پىكىرىنشە, جالعان اقپاراتپەن كۇرەسۋ ءۇشىن اۋديتوريانى سەنىمدى دەرەك ىزدەۋگە, مەديا ساۋاتتىلىقتى ارتتىرۋعا, جالعان اقپاراتتى دالەلدەنگەن اقپاراتتان اجىراتۋعا ۇيرەتۋ قاجەت.
