«كاسپي ءوڭىرى كاسپي ماڭى مەملەكەتتەرى ءۇشىن ماڭىزدى تاريحي, ەكونوميكالىق جانە مادەني مانگە يە, سوندىقتان وسى بىرەگەي سۋ ايدىنىنىڭ ەكولوگيالىق تەپە-تەڭدىگىن ساقتاۋ ءبىزدىڭ ەلدەرىمىز ءۇشىن ماڭىزدى مىندەت بولىپ تابىلادى», دەدى س.برەكەشەۆ ءوزىنىڭ كىرىسپە سوزىندە.
ول كونفەرەنتسياعا قاتىسۋشىلاردى ەلدەگى تەڭىزدىڭ جانە ونىڭ جاعالاۋ بولىگىنىڭ لاستانۋىن الدىن الۋ, ازايتۋ جونىندەگى ەكولوگيالىق زاڭنامانى جەتىلدىرۋ جونىندەگى جۇمىس بارىسىمەن, قورشاعان ورتاعا تەرىس اسەر ەتەتىن وبەكتىلەر وپەراتورلارىن مەملەكەتتىك ەكولوگيالىق باقىلاۋ جانە كاسپي تەڭىزىنىڭ قورشاعان ورتاعا اسەرىن جۇمسارتۋعا باعىتتالعان ءىس-شارالاردى ىسكە اسىرۋ تۋرالى ايتتى.
قازاقستاننىڭ ەكولوگيا ءمينيسترى ارىپتەستەرىنىڭ نازارىن كاسپيدىڭ زاڭسىز, رەتتەلمەيتىن كاسىپشىلىگىمەن جانە سۋ بيولوگيالىق رەسۋرستارىنىڭ زاڭسىز اينالىمىمەن كۇرەستى جۇزەگە اسىرۋدا تاراپتاردىڭ ءوزارا ءىس-قيمىلىن قامتاماسىز ەتۋ بولىپ تابىلاتىن بيولوگيالىق رەسۋرستاردى زاڭسىز اۋلاۋعا قارسى كۇرەس سالاسىنداعى ىنتىماقتاستىق تۋرالى حاتتاما جوباسىنا اۋداردى.
