فوتوەكسپوزيتسيا قازاقستان پرەزيدەنتى قاسىم-جومارت توقاەۆتىڭ باسشىلىعىمەن تۇبەگەيلى جاڭا ساياسي جانە ەكونوميكالىق جاعدايلار قۇرۋمەن, سىرتقى ساياساتتىڭ جاندانۋىمەن سيپاتتالاتىن قازاقستان دامۋىنىڭ قازىرگى كەزەڭىن بەينەلەيدى.
تۇساۋكەسەرگە ەفيوپيا سىرتقى ىستەر مينيسترلىگىنىڭ, ديپلوماتيالىق كورپۋستىڭ وكىلدەرى, كورنەكتى قوعام قايراتكەرلەرى, قازاقستاننىڭ دوستار كلۋبىنىڭ مۇشەلەرى, ەفيوپيانىڭ بۇرىنعى پرەزيدەنتى مۋلاتۋ تەشومە, ەفيوپيا ءسىم حالىقارالىق قاتىناستار ينستيتۋتىنىڭ, ديالوگ, زەرتتەۋلەر جانە ىنتىماقتاستىق ورتالىعىنىڭ وكىلدەرى, سونداي-اق بىرقاتار ەفيوپيالىق باسىلىمنىڭ جۋرناليستەرى قاتىستى.
تۇساۋكەسەرگە قاتىسۋشىلارعا جاساعان جولداۋىندا قازاقستاننىڭ ەلشىسى, افريكا وداعى جانىنداعى تۇراقتى وكىلى بارلىباي سادىقوۆ قازاقستاندا بولىپ جاتقان ۇلكەن ساياسي وقيعالار تۋرالى ايتىپ بەردى.
سونداي-اق ەلشى قازىرگى گەوساياسي جاعدايدا وزەكتىلىگىن دالەلدەگەن ەلىمىزدىڭ كوپۆەكتورلى, بەيبىت جانە بولجامدى سىرتقى ساياساتىنىڭ پرينتسيپتەرىن ەگجەي-تەگجەيلى ءتۇسىندىردى.
