ەل قازىناسىنان بولىنگەن قارجىدان بولەك, «قازاقستاننىڭ حالىق بانكى» اق زارداپ شەككەن ءار وتباسىعا 1 ملن تەڭگە قاراجات بەرىپ, جالپى قۇنى 4,7 ملن تەڭگەگە تەڭ نەسيە بەرەشەگىن ەسەپتەن شىعاردى. «قايىرىمدىلىق KZ» قورىنا 1 243,1 ملرد تەڭگە قارجى تۇسكەن. ورتتەن جاپا شەككەن 91 وتباسىنىڭ ارقايسىسىنا 1 ملن تەڭگەدەن, جارتىلاي زارداپ شەككەن 74 وتباسىعا 500 مىڭ تەڭگەدەن ۇلەستىرىلىپتى. بولات وتەمۇراتوۆ قورى 91 وتباسىعا 1 ملن تەڭگەدەن كومەك كورسەتتى.
ەندى ءۇي قۇرىلىسىنا توقتالساق. قوستاناي وبلىسى اكىمدىگىنىڭ مالىمەتىنشە, تۇرعىن ۇيلەردىڭ ساۋلەتى بىردەي. ارقايسىنىڭ كولەمى 100 شارشى مەترگە تەڭ. ءبىر ءۇيدىڭ قۇنى – 18,3 ملن تەڭگە. قۇرىلىس جۇمىستارىنا 16 مەردىگەر تارتىلعان.
– ءار ۇيگە 10 سوتتىق جەر ءبولىندى. ۇيلەر ءتورت بولمەلى, قالا بەردى, اسحانا مەن سانيتارلىق توراپ بار. باسپانا سۋ, جارىق, گاز, جىلىتۋ جۇيەسى سياقتى قاجەتتى ينجەنەرلىك ينفراقۇرىلىممەن قامتىلعان. ءار ۇيگە قۋاتى مىقتى قازاندىقتار تارتىلدى. اجەتقۇدىقتارى بولەك. ارقايسىسى Wi-Fi ينتەرنەت جەلىسىنە قوسىلادى, – دەيدى وبلىستىق قۇرىلىس, ساۋلەت جانە قالا قۇرىلىسى باسقارماسىنىڭ باسشىسى بەرىك تاڭجارىقوۆ.
اۋلادا سپورت الاڭدارى قاراستىرىلعانىن دا اتاپ وتكەن ءجون. جالپى, اتالعان اۋداندا فۋتبول, ۆولەيبول الاڭدارى جانە ءۇش بالالار الاڭى بوي كوتەرمەك. بۇعان دەيىن اتالعان اۋداندا مۇنداي يگىلىكتەر بولماعان. قۇرىلىس جۇمىستارى دەمەۋشىلەر ەسەبىنەن قولعا الىنباق.
بۇگىندە ۇيلەردى جەكەگە بەرۋ بويىنشا قۇجاتتاما جۇمىستارى جالعاسىپ جاتىر. تۇرعىندار جاڭا ۇيلەرىنىڭ بوساعاسىن اتتاۋعا اسىق. ء«ۇيىمىز ورتەنىپ, جىلدار بويى تىرنەكتەپ جيناعان زاتتارىمىز وتقا وراندى. باستىسى – باسىمىز امان. وتانداستار قيىن ساتتە بارىنشا قولداۋ كورسەتتى. ەل تىزگىنىن ۇستاعان ازاماتتار دا ىسكەرلىگىن تانىتتى. جۋىردا جاڭا ۇيگە كىرەمىز. بۇل كۇندى اسىعا كۇتىپ ءجۇرمىز», دەيدى جۇماگۇل راحمەتوۆا.
ايتپاقشى, 1 قاراشادان باستاپ ورمان شارۋاشىلىعى قىزمەتكەرلەرىنىڭ جالاقىسى وسپەك. قىزمەتكەرلەرگە 700-گە جۋىق ارنايى كيىم-كەشەك ساتىپ الىنعان. جاڭا 14 تراكتور قاتارعا قوسىلعان. بۇگىندە اۋليەكول اۋدانىنداعى ورمان قورىن قالپىنا كەلتىرۋ جۇمىستارى جالعاسىپ جاتىر. بۇل ىسكە 7 بريگادا (63 ادام, 21 تراكتور) جۇمىلدىرىلعان.
