كەشە ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ كەزەكتى وتىرىسى ءوتتى. جيىندا مەملەكەتتىك كوميسسيا جۇمىسىنىڭ ناتيجەسىندە دايىندالعان زاڭناما باعىتىنداعى نەگىزگى عىلىمي تۇجىرىمدار مەن ۇسىنىمدار قارالدى. وتىرىس بارىسىندا عالىم-ساراپشىلار ىزدەستىرۋ ەكسپەديتسياسى مەن زەرتتەۋ جۇمىستارىنىڭ نەگىزگى ناتيجەلەرىن تانىستىردى.
سونداي-اق عىلىم جانە جوعارى ءبىلىم مينيسترلىگىنىڭ, ادىلەت مينيسترلىگىنىڭ جانە پرەزيدەنت ءارحيۆىنىڭ باسشىلارى مۇراعات جۇمىستارىن ۇيىمداستىرۋ جانە زاڭناماعا ۇسىنىستار ازىرلەۋ بارىسى جايىندا باياندادى.
وتىرىس قورىتىندىسى بويىنشا زاڭنامالىق بازانى جەتىلدىرۋگە, باسپا قىزمەتىن دامىتۋعا جانە مەملەكەتتىك كوميسسيانىڭ ارحيۆتىك ماتەريالدارىن جۇيەلەۋ جۇمىستارىن جالعاستىرۋعا قاتىستى تاپسىرمالار بەرىلدى.
