كوللاجدى جاساعان امانگەلدى قياس, «ەQ»
FinReview.info اناليتيكالىق رەسۋرسىنىڭ حابارلاۋىنشا, قىركۇيەك ايىندا ءاىح ءوز قىزمەتىنىڭ ISO 27001 جانە ISO 27032 جاھاندىق ستاندارتتارىنا سايكەستىگىن راستادى. سونىمەن قاتار جاڭا ەكى ستاندارت – ISO 27018 بەن ISO 27017 بويىنشا سەرتيفيكاتتاۋدان ءوتتى. بۇل ستاندارتتار تولىق بيزنەس تسيكلدىڭ: ساۋدا, كليرينگ, ەسەپ ايىرىسۋ, تىركەۋ قىزمەتتەرىنىڭ جانە دەپوزيتارلىق قىزمەتتىڭ قامتاماسىز ەتىلۋىن قامتيدى.
جالپى العاندا, ءۇشىنشى توقسان ىشىندە AIXQI 11,67 پايىزعا ءوستى. يندەكستىڭ ءۇش كومپانياسى توقساندىق ءوسىم كورسەتتى – Kcell (+40,6 پايىز), «بانك تسەنتركرەديت» (+37,9 پايىز) جانە Kaspi.kz (+33,7 پايىز).
«Kcell اكتسيالارى ءۇشىن وسى جىلدىڭ ءۇشىنشى توقسانى ديۆيدەندتەر تولەۋ مەرزىمىن شەگەرۋ تۋرالى شەشىم قابىلدانعاندىقتان, وسىعان دەيىن قاتتى تومەندەگەن قۇندى قالپىنا كەلتىرۋ توقسانى بولدى. تەلەكوم-وپەراتور قىزمەتىنىڭ ناتيجەلەرى بۇكىل توقسان بويى وسۋگە نەگىز قالادى. كومپانيانىڭ جاريالانعان قارجىلىق ەسەپتىلىگىنە سايكەس 2021 جىلى Kcell-ءدىڭ ءبىر اكتسياعا شاققانداعى تازا پايداسى ەكى ەسە ءوستى. بۇل تەندەنتسيا 2022 جىلى دا جالعاسىپ كەلەدى. قىركۇيەك ايىندا Kcell اكتسيالارى 5,82 پايىزعا تۇزەلدى. Kcell-ءدىڭ نەگىزگى اكتسيونەرلەرىنىڭ ءبىرى سانالاتىن «قازاقتەلەكوم» كومپانياسىندا ادەتتەگىدەي باعا بەلگىلەنۋىنىڭ ەلەۋسىز نارىقتىق اۋىتقۋلارى بار. قىركۇيەك ايىنىڭ قورىتىندىسى بويىنشا كومپانيانىڭ اكتسيالارى 3,76 پايىزعا ءوستى, ال توقساندىق ءوسىمى 7,19 پايىزدى قۇرادى», دەپ جازدى FinReview.info.
2022 جىلى «بانك تسەنتركرەديت» جاريالاعان وڭ قارجىلىق ەسەپتەر مەن «الفا-بانكتىڭ» ەنشىلەس ۇيىمىمەن ءساتتى قوسىلۋى بانكتىڭ باعا بەلگىلەۋلەرىنىڭ سەنىمدى ءوسۋىن قامتاماسىز ەتۋدە. «بانك تسەنتركرەديت» باعا بەلگىلەۋلەرىنىڭ ءوسۋى قىركۇيەكتە 11,76 پايىزدى قۇرادى. بانكتىڭ بيزنەس-پوزيتسيالارىنىڭ جاقسارۋىن S&P رەيتينگ اگەنتتىگى دە راستادى. اگەنتتىك «بانك تسەنتركرەديت»-ءتىڭ ۇزاقمەرزىمدى كرەديتتىك رەيتينگىن «ۆ»-دان «ۆ+»-كە «تۇراقتى» بولجامىمەن جوعارىلاتتى.
FinReview.info-نىڭ حابارلاۋىنشا, بانك سەكتورىنىڭ تاعى ءبىر وكىلى Kaspi.kz تە وڭ قارجىلىق ناتيجەلەردى جاريالاۋدا. بۇدان باسقا, Kaspi.kz باعا بەلگىلەۋلەرى جاھاندىق دەپوزيتارلىق اكتسيالاردى كەرى ساتىپ الۋمەن جانە ديۆيدەندتەر تولەنۋىمەن (1 جاي اكتسياعا 500 تەڭگە) قۋاتتالىپ وتىر. S&P رەيتينگ اگەنتتىگى Kaspi Bank رەيتينگىن «ۆۆ-»-دان «ۆۆ»-عا دەيىن «تۇراقتى» بولجامىمەن جوعارىلاتتى. ءۇشىنشى توقساننىڭ كوپ بولىگىندەگى وسۋدەن كەيىن Kaspi.kz باعا بەلگىلەۋلەرى قىركۇيەك ايىندا 3,14 پايىزعا تۇزەلدى.
19 قىركۇيەكتە وتكەن اكتسيونەرلەردىڭ جالپى جينالىسىندا «حالىق بانك» جاي اكتسيالار بويىنشا ديۆيدەندتەر تولەۋ مەن ونىڭ ىقتيمالدى سوماسى جونىندە قازان ايىندا شەشىم قابىلداۋ جوسپارلانىپ وتىرعانىن حابارلادى. سوعان قاراماستان, قازاقستاننىڭ بانك سەكتورىنداعى كوشباسشىنىڭ اكتسيالارى ايدىڭ قورىتىندىسى بويىنشا 7,95 پايىزعا تومەندەدى. الايدا ءۇشىنشى توقسان «حالىق بانك» ءۇشىن +3,63 پايىزبەن جابىلدى.
«قازاتومونەركاسىپتىڭ» ديرەكتورلار كەڭەسى كومپانيانىڭ 2024 جىلى ءوندىرىس كولەمدەرىن جالپى جوسپارلانعان دەڭگەيمەن سالىستىرعاندا شامامەن 10 پايىزعا قىسقارتۋ جونىندەگى ستراتەگياسىن ماقۇلدادى. سونىمەن قاتار قىركۇيەكتە ۋران كومپانياسىنىڭ توپ-مەنەدجمەنتىندە كادرلىق وزگەرىستەر ورىن الدى – باسقارما توراعاسى قىزمەتىنە ە.مۇقانوۆ تاعايىندالدى, ستراتەگيا جانە دامۋ جونىندەگى باس ديرەكتور لاۋازىمى قىسقارتىلدى. ناتيجەسىندە, باسقارمانىڭ ساندىق قۇرامى قىسقارىپ, 8 ادامنىڭ ورنىنا 7 ادام بولدى. قىركۇيەك ايىنىڭ قورىتىندىلارى بويىنشا «قازاتومونەركاسىپ» اكتسيالارىنىڭ قۇنى ازايدى (-19,56 پايىز), ناتيجەسىندە بۇل 1,32 پايىزدىق توقساندىق تومەندەۋگە اكەلدى.
«KazTransOil اكتسيالارى مۇناي باعاسىنىڭ قىركۇيەكتە تومەندەۋىنە بايلانىستى قىسىمعا ءتۇستى. ايدىڭ قورىتىندىلارى بويىنشا كومپانيانىڭ باعا بەلگىلەۋلەرى 8,46 پايىزعا تومەندەدى, ال توقسان قورىتىندىلارى بويىنشا 0,58 پايىزعا وسكەن», دەلىنگەن FinReview.info حابارلاماسىندا.
AIXQI يندەكسىنىڭ كومپانيالارى اراسىندا توقسان قورىتىندىسى بويىنشا ەڭ ناشار ناتيجەنى Central Asia Metals كومپانياسى كورسەتتى (-4,77 پايىز). وعان دامۋشى ەلدەردەگى كەن نارىعىنىڭ قۇلدىراۋى, رەتسەسيالىق كۇتۋلەر مەن انگليا بانكى تاراپىنان اقشا-كرەديت ساياساتىنىڭ قاتايتىلۋى اسەر ەتكەن. قىركۇيەك ايىنىڭ قورىتىندىلارى بويىنشا كومپانيا اكتسيالارى 9,04 پايىزعا تومەندەدى.
