ەكى ەل اراسىنداعى ىنتىماقتاستىق جىل وتكەن سايىن نىعايىپ كەلەدى. ەلدەر اراسىندا تۋىندايتىن پراتيكالىق ماسەلەلەردى جەدەل شەشۋ جانە ەكىجاقتى قاتىناستاردى جانداندىرۋ ءۇشىن حالىقارالىق جانە ۇكىمەتارالىق الاڭدار قۇرىلدى. ماسەلەن, 2017 جىلدان باستاپ وسى ماقساتتا قازاقستان-وزبەكستان ىسكەرلىك كەڭەسى قۇرىلدى. وندا قازاقستان تاراپىنان «اتامەكەن» ۇكپ باسشىسى تەڭ توراعا بولىپ سانالادى.
«ىسكەرلىك كەڭەس اياسىندا ءبىز بارلىق ماسەلەنى تىكەلەي پىسىقتاي الامىز. وسى ماسەلەلەردى شەشۋ ىسكەرلىك ىنتىماقتاستىقتىڭ قارقىنىن ارتتىرۋعا ىقپال ەتەدى», دەپ اتاپ ءوتتى «اتامەكەن» ۇكپ تورالقا توراعاسى رايىمبەك باتالوۆ.
باستى ماسەلەلەر – ترانزيت تاسىمالى كەزىندەگى مولشەرلەمە, سەرتيفيكاتتاردى ءوزارا تانۋ, ماقتا شيكىزاتى, ءجىپ پەن ماتاعا باعا, سونىمەن قاتار ەڭبەك كۇشىنىڭ كوشى-قون ماسەلەسى. وسى جانە باسقا دا كوپتەگەن ماسەلە قازاقستان-وزبەكستان ىسكەرلىك كەڭەسىنىڭ كۇن تارتىبىندە تۇر.
قازاقستان وزبەكستانمەن سىرتقى ساۋدا سەرىكتەستىك بويىنشا ءۇشىنشى (قحر جانە رف-دان كەيىن) ورىندا. تاۋار اينالىمىنداعى ۇلەس سالماعى – 8,9%. سىرتقى ساۋدا پالاتاسىنىڭ مالىمەتىنشە, وزبەكستانعا قازاقستاننان نەگىزىنەن مۇناي جانە مۇناي ونىمدەرى, بيداي, ۇن, كۇنباعىس تۇقىمى, قارا جانە ءتۇستى مەتالل, بەيورگانيكالىق حيميا ونىمدەرى جانە ازىق-ت ۇلىك تاۋارلارى ەكسپورتتالادى.
وزبەكستاننان قازاقستانعا ەنەرگوتاسىمالداۋىش قۇرالدار, اۆتوماشينالار, ماقتا تالشىعى, حيميالىق ونىمدەر مەن پلاستماسسا, تىڭايتقىشتار مەن ازىق-ت ۇلىك ونىمدەرى كەلەدى.
