2022 جىلدىڭ قىركۇيەك ايىندا ەلدە جىلدىق ينفلياتسيا 17,7% (تامىزدا – 16,1%) بولدى. ايماقتار اراسىندا جىلدىق ينفلياتسيا 20 وڭىردە قارقىن الدى.
ەڭ جوعارى كورسەتكىش استانا قالاسىندا تىركەلدى (تامىزداعى 17,3%-دان قىركۇيەكتە 20,0%-عا دەيىن).
ازىق-ت ۇلىك باعاسىنىڭ ءوسۋ قارقىنى قىركۇيەكتە ج/ج 22,2%-عا دەيىن ۇلعايدى (تامىزدا – 20,8%). وسى توپقا جاتاتىن تاۋارلاردىڭ باعاسى ماڭعىستاۋ وبلىسىندا بارىنشا ءوستى (29,7%).
ازىق-ت ۇلىككە جاتپايتىن تاۋارلار باعاسىنىڭ ءوسۋ قارقىنى ج/ج 17,0%-عا دەيىن جەدەلدەدى (تامىزدا – 15,5%). ەڭ جوعارى ءمان استانا قالاسىندا (26,3%), ەڭ تومەنگى ءمان الماتى قالاسىندا (13,8%) تىركەلدى.
اقىلى قىزمەت كورسەتۋ باعاسى قىركۇيەكتە ج/ج 12,3%-عا ءوستى, بۇل رەتتە جالپى رەسپۋبليكالىق دەڭگەيدەن ەداۋىر جوعارى باعا ۇلىتاۋ وبلىسىندا (16,5%) تىركەلدى, اقتوبە وبلىسىندا (8,2%), كەرىسىنشە, ەداۋىر تومەن ءوستى.
2022 جىلعى قىركۇيەكتە ەلدە ايلىق ينفلياتسيا 1,8%-دى قۇرادى, بۇل سوڭعى 5 جىلدا (2017-2021 جىلدارى: 0,3%) قىركۇيەك ايىنداعى ينفلياتسيانىڭ ورتاشا مانىنەن ءبىرشاما جوعارى كورسەتكىش.
2022 جىلدىڭ قىركۇيەك ايىندا باعا بارلىق وڭىردە ورتاشا تاريحي نورماسىنان جوعارى بولدى. ايلىق ينفلياتسيانىڭ ەڭ جوعارى ءمانى استانا قالاسىندا (2,8%) بايقالدى.
