اقپاراتتىق حابارلاما

گازەت كولەمىن بەرۋدىڭ جالپى شارتتارى

گازەت بەتىنەن كولەمدى ۇسىنۋ كانديدات نەمەسە ونىڭ وكىلەتتى تۇلعاسى جانە رەداكتسيا اراسىندا جاسالعان كەلىسىمشارتتىڭ نەگىزىندە جۇزەگە اسىرىلادى.

ۇگىت ماتەريالدارىن ورنالاستىرۋ تۋرالى شارت (بۇدان ءارى – شارت) جاساسۋدىڭ نەگىزى كانديداتتىڭ نەمەسە ونىڭ وكىلەتتى تۇلعاسىنىڭ رەداكتسيالىق القانىڭ اتىنا جازباشا ءوتىنىشى بولىپ تابىلادى.

ۇگىت ماتەريالدارىنىڭ كولەمى كانديداتتىڭ نەمەسە وكىلەتتى تۇلعانىڭ جازباشا وتىنىشىندە كورسەتىلەدى، ول ودان ءارى شارتتا جازىلادى.

جازباشا وتىنىشكە مىناداي قۇجاتتار قوسا تىركەلۋگە ءتيىس:

1) كانديداتتىڭ تىركەلگەنىن راستايتىن قۇجاتتىڭ كوشىرمەسى;

2) كانديداتتىڭ وكىلىنىڭ وكىلەتتىگىن راستايتىن قۇجاتتىڭ كوشىرمەسى;

3) قاعاز جانە ەلەكتروندىق تاسىمالداعىشتاعى ۇگىت ماتەريالىنىڭ ءماتىنى;

4) ءوتىنىش بەرۋشىنىڭ جەكە باسىن كۋالاندىراتىن قۇجاتتىڭ كوشىرمەسى;

5) شارت جاساۋ ءۇشىن ءوتىنىش ءبىلدىرۋشىنىڭ وكىلەتتىگىن راستايتىن قۇجاتتاردىڭ كوشىرمەلەرى.

رەداكتسيا مودۋل، ماقالالار تۇرىندەگى ۇگىت ماتەريالدارىن جاريالايدى. ۇگىت ماتەريالدارىنىڭ ماتىندەرىن كانديداتتاردىڭ وزدەرى دايىندايدى نەمەسە رەداكتسيامەن بولەك كەلىسىم بويىنشا ازىرلەنەدى.

ۇگىت ماتەريالدارىن جاريالاۋدىڭ ءتارتىبى

رەداكتسيا كانديداتتاردان ماتىندەردىڭ ءتۇسۋ رەتىنە قاراي ۇگىت ماتەريال­دارىن جاريالاۋدىڭ كەزەكتىلىگىن بەلگىلەيدى. بىرنەشە كانديداتتان/وكىلەتتى تۇلعادان وتىنىشتەر ءبىر مەزگىلدە تۇسكەن جاعدايدا كەزەكتىلىكتى رەداكتسيا سول كۇنى جەرەبە ارقىلى شەشەدى. جەرەبەگە باسپا ماتەريالدارىن ورنالاستىرۋدىڭ كەزەكتىلىگىنە تالاس ءبىلدىرۋشى كانديداتتار نەمەسە كانديداتتىڭ مۇددەسىن بىلدىرەتىن وكىلەتتى تۇلعا جانە تالاس ءبىلدىرۋشىنىڭ تاۋەلسىز تارابى رەتىندە رەداكتسيا وكىلى قاتىسادى.

رەداكتسيا «Egemen Qazaqstan» جانە «كازاحستانسكايا پراۆدا» گازەتتە­رىنىڭ بەتتەرىندە ۇگىت ماتەيالدارىن ورنالاستىرۋدىڭ ورنىن دەربەس ايقىندايدى.

ۇگىت ماتەريالدارىن تاپسىرۋدىڭ ءتارتىبى

2022 جىلعى 21 قازاندا ساعات 18.00-دەن باستاپ كۇن سايىن، سەنبى جانە جەكسەنبىدەن باسقا كۇندەرى، جازباشا ءوتىنىش قابىلدانادى، ءۇزىلىس ساعات 13.00-دەن 14.00-گە دەيىن. ۇگىت ماتەريالدارىن جاريالاۋدىڭ سوڭعى كۇنى – 2022 جىلعى 17 قاراشا.

كانديداتتار ۇگىت ماتەريالدارىنىڭ ماتىندەرىن جاريالاۋدىڭ جوسپارالاناتىن كۇنىنە دەيىن ءۇش كۇن قالعاندا رەكداكتسيانىڭ جارناما جانە جازىلىم بولىمىنە تاپسىرادى. ماتىندەر كانديداتتىڭ نەمەسە ونىڭ وكىلەتتى تۇلعاسىنىڭ كۇنى مەن ۋاقىتى كورسەتىلگەن، تىركەۋ نومىرىمەن ەكى دانادا قولى قويىلعان باسپا نۇسقاسىندا تاپسىرىلادى جانە ەلەكتروندىق تاسىمالداعىشتا قوسا بەرىلۋى قاجەت. سونداي-اق بەينەلەرى ۇگىت ماتەريالىندا پايدالانىلاتىن تۇلعالاردىڭ (قايتىس بولعان جاعدايدا – ولاردىڭ مۇراگەرلەرىنىڭ) جازباشا رۇقساتى كەرەك.

بارلىق باسپا ۇگىت ماتەريالىندا تاپسىرىستى جاساعان تۇلعالار تۋرالى مالىمەتتەر، سونداي-اق ماقالالار نەمەسە مودۋلدەر قانداي قاراجاتتان تولەنگەندىگى تۋرالى اقپارات بولۋعا ءتيىس.

رەداكتسيا ۇگىت ماتەريالدارىن جاريالاۋدى رەداكتسيانىڭ ەسەپ ايىرىسۋ شوتىنا جاريالانىمدار قۇنىنىڭ 100 پايىزدىق الدىن الا تولەمى تۇسكەننەن كەيىن جۇرگىزەتىن بولادى.

«Egemen Qazaqstan» جانە «كازاحستانسكايا پراۆدا» گازەتتەرىندە ۇگىت ماتەريالدارى جاريالانعان كەزدە «سايلاۋ-2022» – «ۆىبورى-2022» ايدارىمەن ورنالاستىرىلادى.

ەگەر ۇگىت باسپا ماتەريالدارىندا كونستيتۋتسيالىق قۇرىلىستى كۇشتەپ وزگەرتۋ، رەسپۋبليكانىڭ تۇتاستىعىن بۇزۋ، مەملەكەتتىڭ قاۋىپسىزدىگىنە نۇقسان كەلتىرۋ، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق ارازدىقتى قوزدىرۋ، قاتىگەزدىك پەن زورلىق-زومبىلىققا باس ۇرۋ، سونداي-اق زاڭنامادا كوزدەلمەگەن اسكەريلەندىرىلگەن قۇرىلىمداردى قۇرۋ يدەيالارى جاريا ەتىلسە، «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ تالاپتارىندا قاراستىرىلعان جانە وزگە نەگىزدەردە گازەت ونداي ۇگىت باسپا ماتەريالدارىن قابىلداۋدان باس تارتۋعا قۇقىلى.

باسقا كانديداتتاردىڭ، ساياسي پارتيالاردىڭ ار-نامىسىنا، قادىر-قاسيەتىنە، ابىرويىنا جانە ىسكەرلىك بەدەلىنە نۇقسان كەلتىرەتىن ۇگىت ماتەريالدارى مەن وزگە دە اقپاراتتار بولعان جاعدايدا رەداكتسيا كانديداتتىڭ ۇگىت ماتەريالدارىن جاريالاۋدان باس تارتادى.

ۇگىت ماتەريالدارىن جاريالاۋ اقىسىن تولەۋ ءتارتىبى

100 پايىز الدىن الا تولەم جاسالعان جاعدايدا «Egemen Qazaqstan» جانە «كازاحستانسكايا پراۆدا» گازەتتەرىنىڭ بەتتەرىندە ۇگىت ماتەريالدارىن جاريالاۋدىڭ قۇنى گازەت كولەمىنىڭ 1 شارشى سانتيمەترى ءۇشىن ققس قوسقاندا 1 400 ء(بىر مىڭ ءتورت ءجۇز) تەڭگەنى، ال www.egemen.kz سايتىندا 2000 بەلگىگە دەيىن (ارالىق جولىمەن)، 4 فوتوعا دەيىن، ققس قوسقاندا 150 000 ء(جۇز ەلۋ مىڭ) تەڭگە جانە www.kazpravda.kz cايتىندا 2500 تاڭباعا دەيىن، تاپسىرىس بەرۋشىنىڭ 2 فوتوسۋرەتىنە دەيىن، ققس قوسقاندا 150 000 ء(جۇز ەلۋ مىڭ) تەڭگەنى قۇرايدى. يميدجدىك ماتەريالىن جاريالاۋ ءۇشىن (سەرىكتەستىك ءجۋرناليسى دايىنداعان) ۇستەماقى مولشەرى 10%.

تولەم شارتتا كورسەتىلگەن رەداكتسيانىڭ بانكتىك ەسەپ ايىرىسۋ شوتىنا اقشالاي قاراجات اۋدارۋ ارقىلى جۇزەگە اسىرىلادى.

جارناما جانە جازىلىم ءبولىمى:

e-mail: egemen_adv@mail.ru، reklama@kazpravda.kz

استانا قالاسىنداعى تەلەفوندار: 8 (7172) 37-60-49، 37-64-48.