ىشكى ىستەر مينيسترلىگى كريمينالدىق پوليتسيا دەپارتامەنتىنىڭ اعا جەدەل ۋاكىلى قۇديار نۇرسەيىتوۆتىڭ ايتۋىنشا, ەلىمىزدەگى «قارا نارىققا» اۆتوكولىكتەردىڭ نەگىزگى بولىگى تاياۋ شەتەلدەردەن, كوبىنە رەسەيدەن اكەلىنەدى.
– بۇل ماسەلە بويىنشا ىشكى ىستەر مينيسترلىگى تمد ەلدەرىنىڭ قۇقىق قورعاۋ ورگاندارىمەن تىعىز قارىم-قاتىناس ورناتتى. وسى باعىتتاعى جۇمىستار ەلىمىزدە 2017 جىلعى جەلتوقساندا راتيفيكاتسيالاعان «تمد-عا قاتىسۋشى مەملەكەتتەردىڭ اۆتوكولىك قۇرالدارىن ۇرلاۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىق تۋرالى كەلىسىم» نەگىزىندە جۇرگىزىلەدى. حالىقارالىق شارتتا ءوزارا قارىم-قاتىناس نىساندارى, قاجەتتى اقپاراتتىق بازالاردى قالىپتاستىرۋ جانە قولداۋ, ۇرلانعان اۆتوكولىكتى قايتارۋ مەرزىمدەرى جانە ولاردى قايتارۋدان باس تارتۋ نەگىزدەرى ناقتى جازىلعان. وسىنداي بىرلەسكەن جۇمىستاردىڭ ناتيجەسىندە سوڭعى 5 جىلدا تمد ەلدەرىندە قازاقستاندا ۇرلانعان 50-دەن استام اۆتوكولىك تابىلدى. ءوز كەزەگىندە, ءبىزدىڭ ەلىمىزدە دوستاستىق مەملەكەتتەرىنىڭ اۋماعىندا ۇرلانعان 200-گە جۋىق اۆتوكولىك ىزدەستىرىلدى, – دەيدى ق.نۇرسەيىتوۆ.
كولىگىڭىزدىڭ قاۋىپسىزدىگىن قامتاماسىز ەتۋ ءۇشىن ەڭ قاراپايىم قاۋىپسىزدىك نورمالارىن ساقتاۋ قاجەت. ەشۋاقىتتا اۆتوكولىكتى ەسىگىن اشىق جانە كىلتىمەن قالدىرماڭىز; كولىكتى تۇندە تۇراققا قويعاندا گاراجدى نەمەسە كۇزەتىلەتىن تۇراقتى پايدالانىڭىز; قىلمىسكەر ءسىزدىڭ كولىگىڭىزدى تەز يەمدەنبەۋى ءۇشىن ءتيىستى شارالار قابىلداڭىز: ونى ەلەكتروندى جانە مەحانيكالىق ۇرلىققا قارسى قۇرىلعىلارمەن جانە GPS ماياكتارى بار ۇرلىققا قارسى كەشەندەرمەن جابدىقتاڭىز; اۆتوكولىك سالونىندا قۇجاتتار مەن قۇندى زاتتاردى قالدىرماڭىز; باسقا مەملەكەتتە تىركەلگەن اۆتوكولىكتى ساتىپ العاندا, ءارتۇرلى ينتەرنەت سايتتار ۇسىناتىن قىزمەتتەر ارقىلى قولدا بار دەرەكتەر بويىنشا اۆتوكولىكتىڭ «تازالىعىن», ياعني بۇرىن ۇرلانعان-ۇرلانباعانىن تەكسەرىڭىز!
