«2012-2021 جىلدار ارالىعىندا قازاقستانداعى شاعىن جانە ورتا بيزنەستىڭ دامۋ سەرپىنى وڭ ناتيجە كورسەتىپ وتىر. جالپى ىشكى ونىمدەگى شاعىن جانە ورتا بيزنەستىڭ ۇلەسى 17%-عا ءوسىپ, 33,5%-عا جەتتى. شاعىن جانە ورتا بيزنەستىڭ ءونىم شىعارۋى 5 ەسەگە ارتىپ, نومينالدى ماندە 42,8 ترلن تەڭگەگە جەتتى. جالپى ىشكى ءونىم 2,5 ەسەدەن استام ءوسىمدى قۇراپ, 2021 جىلعى كورسەتكىش 82,2 ترلن تەڭگەنى قۇرادى. جۇمىس ىستەپ تۇرعان شاعىن جانە ورتا كاسىپكەرلىكتىڭ جالپى سانى 75%-عا ءوسىپ, 1,4 ملن سۋبەكتىگە جەتتى. شاعىن جانە ورتا بيزنەستە جۇمىسپەن قامتىلعانداردىڭ جالپى سانى 45%-عا ءوسىپ, 3,5 ملن ادامعا جەتتى», دەدى ءا.قۋانتىروۆ
ءمينيستردىڭ ايتۋىنشا, 2012 جىلى ەلىمىزدىڭ جالپى نەسيە قورجىنىنداعى شاعىن جانە ورتا بيزنەس قارىزدارى شامامەن 15% نەمەسە 1,5 ترلن تەڭگەنى قۇراسا, 2021 جىلى شاعىن جانە ورتا كاسىپكەرلىك كرەديتتەۋ ايتارلىقتاي ءوستى جانە 5,7 ترلن تەڭگەدەن استام سوماعا نەمەسە 27%-عا جەتتى.
«سوڭعى 10 جىلدا مەملەكەتتىك قولداۋ شارالارىن الۋشىلاردىڭ ءونىم شىعارۋ كولەمى 53 ترلن تەڭگەنى قۇرادى, بۇل شاعىن جانە ورتا كاسىپكەرلىك سۋبەكتىلەردىڭ جالپى ءونىم شىعارۋىنىڭ 23%-ىن قۇرايدى. بۇگىندە كاسىپكەرلىكتى دامىتۋ جونىندەگى ۇلتتىق جوبا شەڭبەرىندە مەملەكەتتىك قولداۋ شارالارىن الۋشىلار شامامەن 118 مىڭ ادامدى نەمەسە جۇمىسپەن قامتىلعان شاعىن جانە ورتا كاسىپكەرلەردىڭ 3,4%-ىن جۇمىس ورىندارىمەن قامتاماسىز ەتەدى», دەدى ۇلتتىق ەكونوميكا ءمينيسترى.
