«2016-2020 جىلدارى جۇمىس كۇشى جىلىنا ورتا ەسەپپەن 36,4 مىڭ ادامعا وسسە, بۇل كورسەتكىش بىلتىر 2 ەسە ءوسىپ, 76 مىڭعا جەتتى. ولاردى جۇمىسپەن قامتۋ ماسەلەسىنە كەلسەك, اتالعان كەزەڭدە جالدامالى جۇمىسكەرلەر سانى 68,8 مىڭ ادامنان 23,5 مىڭ ادامعا دەيىن ازايدى. بۇل جاعداي جۇمىس ورىنداردىڭ جەتكىلىكسىز بولۋىنا بايلانىستى تۋىنداپ وتىر», دەدى ت.دۇيسەنوۆا.
سونداي-اق مينيستر 10 ۇلتتىق جوبانىڭ اياسىندا قۇرىلىپ جاتقان جۇمىس ورىندارىنا توقتالىپ ءوتتى.
«بۇگىنگى تاڭدا بۇل جوسپار 75,6%-عا ورىندالدى. مەملەكەت تاراپىنان سۋبسيديا بەرىلەتىن جۇمىس ورىندارىن ەسكەرگەندە 203,3 مىڭ جۇمىس ورنى قۇرىلدى. شارۋامىزدىڭ ويداعىداي اتقارىلۋىنا «كاسىپكەرلىكتى دامىتۋ», «قۋاتتى وڭىرلەر – ەل دامۋىنىڭ درايۆەرى» جانە «اگروونەركاسىپ كەشەنىن دامىتۋ» سياقتى ۇلتتىق جوبالاردىڭ تابىستى جۇزەگە اسۋى سەپتىگىن تيگىزدى. جاڭادان اشىلعان جۇمىس ورىندارىنىڭ 92%-ى وسى 3 جوبانىڭ ەنشىسىندە. ال, باسقا جوبالاردا ەڭ ازى 492, ەڭ كوبى 6,2 مىڭ جۇمىس ورنى قۇرىلدى», دەدى مينيستر.
ءمينيستردىڭ ايتۋىنشا, سۋبسيديا بەرىلەتىن جۇمىس ورىندارىن قۇرۋ ارقىلى جاستار تۇراقتى جۇمىسقا ورنالاساتىن بولادى.
«قازىر بۇل باعىتتاعى جوسپارلى كورسەتكىشتەر ورىندالدى. سۋبسيديا بەرىلەتىن جۇمىس ورىندارىنا قامتىلعان 152 مىڭنان استام ازاماتتىڭ 41%-ى – جاستار. وسى شارالاردىڭ ناتيجەسىندە جاستار ناقتى ماشىقتار مەن داعدىلاردى يگەرىپ, ءارى قاراي تۇراقتى جۇمىسقا ورنالاسادى. الايدا, وڭىرلەردىڭ كوپشىلىگى بۇل باعدارلامالارعا قاتىسقان تۇرعىنداردى تۇراقتى جۇمىسقا ورنالاستىرماعان. ەلىمىز بويىنشا جوسپار 34,8%-عا عانا ورىندالدى. ەڭ جوعارى كورسەتكىشتەر اقمولا, جامبىل, قىزىلوردا جانە الماتى وبلىستارىنىڭ ەنشىسىندە. ال, ەڭ تومەنگى كورسەتكىشتەر شىمكەنت قالاسىندا, تۇركىستان جانە پاۆلودار وبلىسىندا. جاستاردى جۇمىسقا ورنالاستىرۋ ماسەلەسى بويىنشا دا احۋال ءدال وسىنداي سيپاتتا بولىپ وتىر. جاڭا عانا ايتىلعان 3 وبلىس مۇندا دا كوشتىڭ سوڭىندا تۇر», دەدى ت.دۇيسەنوۆا ۇكىمەت وتىرىسىندا.
