«Altyn Bank» اق ءباسپاسوز قىزمەتى ەلىمىزدىڭ «بانك جانە بانك قىزمەتى تۋرالى» زاڭىنا سايكەس كليەنتتەر جانە ولاردىڭ بانك ونىمدەرىنە, اقشا اۋدارىمدارى مەن تولەمدەرى بويىنشا بانك وپەراتسيالارىنا قاتىستى اقپاراتتاردى جاريالاماۋعا قۇقىلى ەكەنىن جەتكىزدى.
«قازىرگى ۋاقىتتا «Altyn Bank» قازاقستان رەسپۋبليكاسىنىڭ رەزيدەنت ەمەس جەكە تۇلعالارىنا بانك شوتتارىن اشپايدى. بۇل ساناتقا قازاقستان رەسپۋبليكاسى اۋماعىندا قىزمەت ىستەيتىن, جسن بار جانە قازاقستان رەسپۋبليكاسىنىڭ زاڭناماسىنا سايكەس سالىق تولەيتىن كومپانيالارعا رەسمي جۇمىسقا ورنالاسقان شەتەل ازاماتتارى كىرمەيدى. «Altyn Bank» قازاقستان رەسپۋبليكاسىنىڭ زاڭناماسىنا جانە ۇلتتىق بانكتىڭ نورماتيۆتىك تالاپتارىنا سايكەس شەتەلدىك ازاماتتارعا ءتيىستى تەكسەرۋ جۇرگىزۋدىڭ بارلىق تالاپتارىن ورىندايدى», دەلىنگەن قارجى ينستيتۋتىنىڭ جاۋابىندا.
«Jusan Bank» ءباسپاسوز قىزمەتىنىڭ حابارلاۋىنشا, رەسەي فەدەراتسياسى ازاماتتارى تاراپىنان بانك قىزمەتىنە سۇرانىس ءتۇسىپ جاتىر.
«بانك كارتاسىن اشۋ قاجەتتى قۇجاتتاردى تولىق تاپسىرعان كەزدە قولجەتىمدى. 24 اقپاننان بەرى رەسەي مەن بەلارۋس ەلىنەن كەلگەن 3 مىڭنان استام كليەنت تىركەلىپ, 11 مىڭنان استام شوت اشىلدى. ءبىزدىڭ بانكتەن شوت اشۋ ءۇشىن بەلگىلى تالاپتار قويىلادى. شەتەلدىك پاسپورت, جۇمىسقا ورنالاسۋدى/وقۋدى راستايتىن قۇجات, جسن بار قۇجات, تىركەۋ تۋرالى كۋالىك (كوشى-قون), حالىققا قىزمەت كورسەتۋ ورتالىعىنان ۋاقىتشا نەمەسە تۇراقتى تىركەۋدى راستايتىن انىقتاما بولۋى قاجەت. بانك حالىقارالىق تولەم جۇيەلەرىمەن ءتۇرلى سۇراق بويىنشا, ونىڭ ىشىندە رەسەي فەدەراتسياسىنىڭ ازاماتتارى ءۇشىن كارتالاردى اشۋ ماسەلەسى بويىنشا ۇنەمى بايلانىستا. زاڭ تالاپتارىن ساقتاۋ, قىزمەت كورسەتۋ ساپاسىن ارتتىرۋ, الاياقتىق ارەكەتتەرگە جول بەرمەۋ, باقىلاۋ مەن مونيتورينگ ساپاسىن ارتتىرۋ بويىنشا ەكىجاقتى جۇمىس جۇرگىزىلەدى», دەلىنگەن بانك حابارلاماسىندا.
سونداي-اق بيىل ناۋرىز ايىنان باستاپ رەسەي ازاماتتارىنىڭ كوپ كەلۋىنە بايلانىستى رۋبلمەن قولما-قول وپەراتسيالار ايتارلىقتاي ارتقان.
«شەتەل ۆاليۋتاسىن ەلدەن تىسقارى جەرلەرگە شىعارۋعا تىيىم سالۋعا بايلانىستى ەكىنشى دەڭگەيلى بانكتەردىڭ كوپشىلىگىندە, ونىڭ ىشىندە «Jusan Bank»-تە دە ۇلكەن كولەمدەگى قولما-قول رۋبل جيناقتالدى. 2022 جىلدىڭ شىلدەسىندە ۇلتتىق بانك رەسەي فەدەراتسياسىنا قولما-قول ءرۋبلدى شىعارۋعا ۋاقىتشا رۇقسات بەردى. بۇل ورىن العان جاعدايدى ايتارلىقتاي جاقسارتۋعا كومەكتەستى. قازىرگى ۋاقىتتا قولما-قول ءرۋبلدىڭ ۇلكەن اعىنى بايقالمايدى», دەيدى بانك ءباسپاسوز قىزمەتى.
بانك وكىلدەرىنىڭ ايتۋىنشا, تۇرۋعا ىقتيارحات العان ازاماتتاردىڭ قازاقستان رەسپۋبليكاسىنىڭ باسقا دا ازاماتتارى سياقتى قارجىلىق قىزمەتتەردى پايدالانۋعا مۇمكىندىكتەرى بار, ياعني نەسيە راسىمدەۋدى قوسپاعاندا, دەپوزيتتەر اشۋعا, اۋدارىم وپەراتسيالارىن جانە سەيفتىك دەپوزيتاريدى پايدالانۋعا بولادى. «وسىعان بايلانىستى بانكتىڭ كليەنتتىك بازاسىنىڭ ارتۋى ترانزاكتسيالىق بيزنەستىڭ وسۋىنە اكەلەدى. بۇل ءوز كەزەگىندە نارىقتىڭ بارلىق قاتىسۋشىلارىنا قىزىقتى», دەپ جاۋاپ بەردى قارجى ينستيتۋتى.
ال جىل باسىنان بەرى «Jusan Bank»-تەن ۋكراينا ازاماتتارى 190-نان استام شوت اشىپ, 60-تان استام كليەنت تىركەلگەن.
ءبىزدىڭ ساۋالدارىمىزعا جاۋاپ بەرگەن «Nurbank» تە قازىرگى ۋاقىتتا بانكتىڭ ايىرباستاۋ پۋنكتەرى ارقىلى رەسەي ءرۋبلىن ساتۋدا ءوسىم بايقالمايتىنىن ايتادى.
«الايدا 2022 جىلدىڭ 21-28 قىركۇيەگى ارالىعىندا بانكتىڭ كەيبىر فيليالدارىنىڭ كاسساسىندا قولما-قول رۋبل كولەمى الدىڭعى اپتامەن (14.09-20.09) سالىستىرعاندا ورتاشا 21 پايىزعا ءوستى. كاسسالارداعى قولما-قول رۋبل كولەمىنىڭ ۇلعايۋى حالىقارالىق اقشا اۋدارىمدارى شەڭبەرىندە اقشانى قابىلداۋعا بايلانىستى بولدى», دەلىنەدى بانك جاۋابىندا.
ءوز كەزەگىندە بۇل قارجى ينستيتۋتى رەسەي مەن بەلارۋس ازاماتتارىنا شوت اشۋدا بىرنەشە تالاپ قويادى. اتاپ ايتقاندا, جەكە باسىن كۋالاندىراتىن قۇجات (شەتەل ازاماتىنىڭ پاسپورتى, ازاماتتىعى جوق ادامنىڭ كۋالىگى, ەگەر بەيرەزيدەنت قانداس بولسا وندا قانداس كۋالىگى) نەمەسە قازاقستان رەسپۋبليكاسى راتيفيكاتسيالاعان حالىقارالىق شارتقا سايكەس جەكە باسىن كۋالاندىراتىن قۇجات دەپ تانىلعان وزگە دە قۇجات; كليەنتتىڭ سالىق تولەۋشى رەتىندە تىركەلۋ فاكتىسىن جانە جەكە سايكەستەندىرۋ ءنومىرىن (جسن) بەرۋ فاكتىسىن راستايتىن سالىق ورگانى بەرگەن قۇجات; قازاقستان رەسپۋبليكاسىندا تۇراقتى جانە ۋاقىتشا تۇرۋعا رۇقسات بەرىلگەنىن راستايتىن قۇجات.
ىشكى ىستەر ءمينيسترى مارات احمەتجانوۆتىڭ ايتۋىنشا, 3 قازاننان بەرى رەسەيدەن قازاقستانعا اعىلعان كوش ءبىرشاما سايابىرسىعان.
«مىسالى, رف-نىڭ 7 مىڭنان استام ازاماتى ءبىزدىڭ ەلگە كەلسە, 11 مىڭعا جۋىعى كەتىپ قالعان. كەلگەندەر كەتىپ جاتىر. بارلىق ماسەلە ميگراتسيالىق باقىلاۋدا. شەكارادان ءوتۋ كەزىندە ەكى تاراپتان دا ەشقانداي كەدەرگى جوق», دەدى مينيستر.
تسيفرلىق دامۋ ءمينيسترى باعدات ءمۋسيننىڭ ايتۋىنشا, 21 قىركۇيەكتەن قازىرگە دەيىن 70 مىڭعا جۋىق رەسەيلىك جسن العان.
«جەكە سايكەستەندىرۋ ءنومىرى رەزيدەنت ەمەستەرگە بانك كارتاسىن الۋ ءۇشىن عانا ەمەس, سونىمەن قاتار بۇزۋشىلىقتاردى تىركەۋ ءۇشىن دە بەرىلەدى. ءبىز ءۇشىن ەل رەتىندە ولاردىڭ قانداي دا ءبىر زاڭ بۇزۋ ارەكەتتەرىن, كەلۋىن, تىركەلۋىن باقىلاپ وتىرۋ ماڭىزدى. سوندىقتان دا جسن بەرىلىپ جاتىر. ياعني ءبىز ولاردى قاداعالاي الۋىمىز ءۇشىن ءنومىر بارلىق دەرەكتەر قورىندا تىركەلەدى», دەپ ءتۇسىندىردى مينيستر.
