ء«داستۇرلى تۇردە تاۋەلسىز مەملەكەتتەر دوستاستىعى ءسامميتى قارساڭىندا 12 قازاندا استانادا قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ توراعالىعىمەن كەڭەستىڭ كەزەكتى وتىرىسى وتەدى. ءىس-شاراعا قاتىسۋشىلار وڭىرلىك جانە حالىقارالىق كۇن تارتىبىندەگى ماسەلەلەردى, سىرتقى ىستەر مينيسترلىكتەرى اراسىنداعى ىنتىماقتاستىقتى تەرەڭدەتۋ ماسەلەلەرىن تالقىلايدى», دەدى ايبەك سمادياروۆ ۆەدومستۆونىڭ بريفينگىندە.
تمد سىرتقى ىستەر مينيسترلەرى الداعى تمد سامميتىندە, سونداي-اق 28 قازاندا استانادا وتەتىن تمد ۇكىمەت باسشىلارى كەڭەسىنىڭ وتىرىسىندا قول قويۋعا ۇسىنىلاتىن قۇجاتتاردىڭ جوبالارىن قارايدى دەپ جوسپارلانۋدا.
بۇدان بۇرىن قازاقستان رەسپۋبليكاسىنىڭ تاۋەلسىز مەملەكەتتەر دوستاستىعىنداعى قازىرگى توراعالىعى اياسىندا 14 قازاندا استانادا مەملەكەت باسشىسى قاسىم-جومارت توقاەۆتىڭ جەتەكشىلىگىمەن تمد مەملەكەتتەر باسشىلارى كەڭەسىنىڭ وتىرىسى وتەتىنىن حابارلاعان ەدىك.
