اقش-تىڭ فلوريدا شتاتىنداعى پلانت-سيتي قالاسىندا وتكەن بوكس كەشىندە جەرلەسىمىز ارگەنتينالىق حاۆەر فرانسيسكو ماسەلمەن (34-18, 23 كو) قولعاپ ءتۇيىستىردى. سەگىز راۋندقا جوسپارلانعان ايقاستا 38 جاستاعى قازاقستاندىق بوكسشى تورەشىلەردىڭ ءبىراۋىزدى شەشىمىمەن جەكپە-جەكتىڭ جەڭىمپازى دەپ تانىلدى. وسىلايشا, وتانداسىمىز كاسىپقوي بوكستاعى 29-شى جەڭىسىنە قول جەتكىزدى. ال ءوز ەلىندە «جىرتقىش» دەگەن لاقاپ اتىمەن تانىمال بولعان ماسەل 18-مارتە جەڭىلىستىڭ كەرمەك ءدامىن تاتتى.
ايتا كەتەيىك, بۇل – قانات يسلامنىڭ كارەراسىنداعى العاشقى جەڭىلىسىنەن كەيىنگى جەڭىسى. ول وسى جىلدىڭ اقپان ايىندا بريتانيالىق دجيممي كەلليدەن ۇپاي سانى بويىنشا ۇتىلىپ قالعان ەدى.
