«باقىتتى وتباسىندا» وزگەرىس كوپ

مۇنىڭ سەبەبىن يندۋستريا جانە ينفرا­قۇرىلىمدىق دامۋ مي­نيستر­لىگى قۇرىلىس جانە تۇر­عىن ءۇي-كوممۋنالدىق شارۋا­­شىلىق ىستەرى كوميتەتى توراعا­سى­نىڭ ورىنباسارى باۋىرجان قابدول ءتۇسىندىرىپ بەردى. ونىڭ ايتۋىنشا, «باقىتتى وتباسى» باعدارلاماسى ىسكە قوسىلعان ساتتەن باستاپ «تولىق ەمەس وتباسى» ساناتى بويىنشا كەزەكتە تۇرعاندار سانى 72 پايىزعا نەمەسە 61,6 مىڭ ادامعا ارتقان.

ول قازىرگى جاعداي باسقا ساناتتار بويىنشا كەزەكتە تۇرعان ازاماتتار ءۇشىن تەڭ ەمەس جاعداي تۋدىراتىنىن ايتتى. ماسەلەن, 2021-2022 جىلدارى «باقىتتى وتباسى» باعدارلاماسى بويىنشا وتىنىشتەردىڭ 50 پايىزدان استامى «تولىق ەمەس وتباسىلاردان» كەلىپ تۇسكەن.

– ايتا كەتەرلىگى, «تولىق ەمەس وتباسى» ساناتىن الىپ تاستاۋ تە­تىگى ازاماتتاردى جەرگى­لىكتى ات­قارۋشى ورگاننان كرەديت­تىك تۇرعىن ءۇي ساتىپ الۋ مۇمكىن­دى­گى­نەن ايىرمايدى. ولار باسقا دا ساناتتار بويىنشا كەزەكتە تۇرعان ازاماتتارمەن قاتار 5 پايىزدىق مولشەرلەمەمەن قولجەتىمدى قارىزدار الا الادى, – دەپ ناقتىلادى باۋىرجان قابدول.

سونىمەن قاتار باسىم سانات­تار­عا جەتىم بالالار, ءبىرىنشى جانە ەكىنشى توپتاعى مۇگەدەك ادامدار, سونداي-اق مۇگەدەك بالا­لاردى تاربيەلەپ وتىرعان وتبا­سىلار كىرەدى. ەندى ولار, سونداي-اق كوپبالالى وتباسىلار 10 پايىزدىق باستاپقى جارنامەن 20 جىلعا دەيىنگى مەرزىمگە
(«2-10-20» باعدارلاماسى) جىل­دىق 2 پايىزدىق نەسيەلەۋدىڭ جە­ڭىل­­دە­تىلگەن مولشەرلەمەسى بو­­يىنشا جەرگىلىكتى اتقارۋشى ور­گاننان نەسيەلىك باسپانا الا الادى.

تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2026 جىلعا دەيىنگى تۇجىرىم­دا­ماسىن تانىستىرعان باۋىرجان قابدولدىڭ ايتۋىنشا, جاڭا قۇجاتتا تۇرعىن ءۇي ماسە­لە­لەرىن شەشۋگە اسا مۇقتاج ازامات­تار­دىڭ ەڭ وسال 4 ساناتى ناقتى اي­قىن­­دالعانىن حابارلادى. ولار – كوپ بالالى وتباسىلار (91 مىڭ ازامات), ءبىرىنشى جانە ەكىنشى توپتاعى مۇگەدەكتىگى بار ادامدار (51 مىڭ ازامات), مۇگەدەك بالالارى بار وتباسىلار (24 مىڭ ازامات), جەتىم بالالار (61 مىڭ ازامات).

– ازاماتتاردىڭ تۇرعىن ءۇي ماسەلەلەرى «وتباسى بانكى» ار­قى­لى جەڭىلدەتىلگەن نەسيە بە­رۋ ارقىلى شەشىلەتىن بولادى. ازاماتتاردىڭ كىرىسى مەن ەسەپكە قويۋ كۇنىنە بايلانىستى ۇكىمەت جەرگىلىكتى اتقارۋشى ورگان سالعان نەسيەلىك باسپانا ساتىپ الۋعا ارنالعان 2 جانە 5 پايىزدىق جەڭىلدىكتى يپو­تەكالىق قارىزدار بەرۋدى كوز­دەي­دى: باستاپقى جارناسى – 10 پايىز, كرەديتتەۋ مەرزىمى 20 جىلعا دەيىن. 2 پايىزدىق يپوتەكا كوپبالالى وتباسىلارعا, سون­داي-اق ءبىرىنشى جانە ەكىنشى توپتاعى مۇگەدەك ادامدارعا, مۇ­گەدەك بالالاردى تاربيەلەپ وتىر­عان وتباسىلارعا, سونداي-اق جەتىم بالالارعا تيەسىلى. اكىم­­دىك­تە كەزەكتە تۇرعان باس­قا دا ازاماتتارعا جىلدىق 5 پا­يىزدىق مولشەرلەمەمەن تۇرعىن ءۇي قا­رىزى قولجەتىمدى, – دەدى ب.قابدول.

بۇدان باسقا, بيىل ەل پرەزي­دەن­تى قاسىم-جومارت توقاەۆ­تىڭ تاپسىرماسى بويىنشا حالىقتىڭ نەعۇرلىم وسال توپ­تا­رىنىڭ ماسەلەلەرىن جەدەل شەشۋ ماقساتىندا جەكە تۇرعىن ءۇي قورىنان باسپانانى جالعا الۋ ءۇشىن تۇرعىن ءۇي تولەمدەرى ەنگى­زىلدى.

– مەملەكەت باسشىسىنىڭ تاپسىرماسى بويىنشا جەڭىل­دەتىلگەن نەسيەلەۋ باعدار­لا­مالارىنىڭ شارتتارى تۇجى­رىم­دامالىق تۇردە وزگەرتىلدى. بىرىنشىدەن, مۇنداي باعدارلاما شەڭبەرىندە اكىمدىكتەر سالعان الەۋمەتتىك كرە­ديتتىك باسپانا عانا ساتىپ الۋعا بولادى. ەكىنشىدەن, قارىز­دىڭ ەڭ جو­عارى سوماسى بويىنشا شەكتەۋلەر الىنىپ تاستالدى. ول تۇرعىن ءۇيدىڭ ناقتى اۋدانى بو­يىنشا انىقتالادى. بۇل رەتتە, الەۋمەتتىك تۇرعىن ءۇي ساپاسىن ارتتىرۋ ءۇشىن ءبىر شارشى مەتردى 160-240 مىڭ تەڭگە دياپازونىنان 170-290 مىڭ تەڭگەگە دەيىن قۇرىلىستى قارجىلاندىرۋدى ىسكە اسىرۋدىڭ باعا پارامەترلەرى قايتا قارالدى, – دەدى ول.

كوميتەت توراعاسىنىڭ ورىنباسارى اتاپ وتكەندەي, كىرىستى راستاۋ بويىنشا شەكتى سوما بويىنشا شەكتەۋلەر الىنىپ تاستالدى. الايدا جەڭىلدەتىلگەن قارىز الۋ ءۇشىن ۇمىتكەر تولەم قابىلەتتىلىگىن راستاۋعا مىندەتتى.

– بانكتىڭ تاجىريبەسى نەگىزىن­دە ءارى ورتاق م ۇلىكتىك جاۋاپ­كەرشىلىك ماقساتىندا قارىز الۋ­شىنىڭ باستاپقى جارنانى ەنگىزۋ ءۇردىسى ساقتالىپ قالادى. بۇگىنگى تاڭدا بۇل شەك بارلىق قاتىسۋشى ءۇشىن 10 پايىزدىق مولشەردە قاراستىرىلعان, – دەدى ب.قابدول.

«قۋاتتى وڭىرلەر – ەل دامۋى­نىڭ درايۆەرى» ۇلتتىق جوباسى شەڭبەرىندە 2025 جىلدىڭ سوڭىنا دەيىن بارلىعى 46 مىڭ جە­ڭىلدەتىلگەن قارىز بەرۋ جوس­پارلانىپ وتىر. ونىڭ ىشىندە 2 پايىزبەن – 28,1 مىڭ قارىز, 5 پايىزبەن 18,2 مىڭ قارىز بەرۋ كوزدەلگەن.