ارداگەرلەر اراسىندا كۇرەستىڭ ءارتۇرلى تۇرلەرى بويىنشا الەم بىرىنشىلىگىندە 60 ەلدەن كەلگەن سپورتشىلار باق سىنايدى. ولار A,B,C,D,E بولىمدەرىندە ونەر كورسەتەدى.
الەمدىك دەڭگەيدەگى جارىستارعا قاتىسقان 20 سپورتشىنىڭ قاتارىندا ءۇش قازاقستاندىق بالۋان بار.
اباي سماعۇلوۆ 88 كەلىگە دەيىنگى سالماق دارەجەسىندە ا ديۆيزيونىندا ارداگەرلەر اراسىندا ەركىن كۇرەستەن الەم چەمپيونى اتاعىن جەڭىپ الدى.
گرەك-ريم, ەركىن جانە ايەلدەر كۇرەسى فەدەراتسياسىنىڭ اتقارۋشى ديرەكتورى اماندىق نۇرسۇلتاننىڭ ايتۋىنشا, ءبىرىنشى كەزدەسۋدە سپورتشى قىرعىز بالۋانىن 4:3 ەسەبىمەن جەڭدى, ەكىنشى جانە ءۇشىنشى جەكپە-جەكتە لاتۆيادان كەلگەن سپورتشىمەن وتكەن دودادا اباي سماعۇلوۆ 5:1 ەسەبىمەن باسىمدىق تانىتىپ, فينالعا شىقتى. فينالدىق كەزدەسۋدە قازاقستاندىق بالۋان ۇندىستاندىق قارسىلاسىن 7:5 ەسەبىمەن جەڭىپ, الەم چەمپيونى اتاندى.
اباي سماعۇلوۆتىڭ جاتتىقتىرۋشىلارى-كۋرۋگليەۆ ماگومەد جانە احمەدحانوۆ رومان.
ايتا كەتسەك, بولگاريادا ءوتىپ جاتقان چەمپيونات 9 قازاندا اياقتالادى.
