قازاقستان • 07 قازان، 2022

قازاقستاندا تازى مەن توبەتتى ساقتاۋ تۋرالى زاڭ ازىرلەنەدى

69 رەت كورسەتىلدى

تازى مەن توبەتتى ساقتاۋ جانە قالپىنا كەلتىرۋ ماسەلەلەرى بويىنشا جەكە زاڭ ازىرلەنەتىن بولادى، دەپ حابارلايدى Egemen.kz پرەزيدەنت ءىس باسقارماسىنىڭ ءباسپاسوز قىزمەتىنە سىلتەمە جاساپ. 

حابارلامادا ايتىلعانداي، قر پرەزيدەنتىنىڭ ءىس باسقارۋشىسى ايبەك دادەباەۆ قازاقتىڭ ۇلتتىق يت تۇقىمدارىن ساقتاۋ جانە قالپىنا كەلتىرۋ ماسەلەلەرى بويىنشا كەڭەس وتكىزدى.

كەزدەسۋدە مەملەكەتتىك ورگانداردىڭ وكىلدەرى ءبىر اي ىشىندە اتقارىلعان جۇمىستار تۋرالى ەسەپ بەرىپ، جوسپارلانعان ءىس-شارالار تۋرالى ايتىپ بەردى. ساراپتامالىق قوعامداستىقپەن (ونىڭ ىشىندە كينولوگتارمەن، عالىمدارمەن) تالقىلاۋلاردى ەسكەرە وتىرىپ، تازى مەن توبەتتى ساقتاۋ جانە قالپىنا كەلتىرۋ ماسەلەلەرى تۋرالى جەكە زاڭ ازىرلەۋ تۋرالى شەشىم قابىلدانعانى اتاپ ءوتىلدى.

وسىعان بايلانىستى، كەڭەس قورىتىندىسى بويىنشا قر ەكولوگيا، گەولوگيا جانە تابيعي رەسۋرستار مينيسترلىگىنە (ۇلتتىق يت تۇقىمدارىن ساقتاۋ جانە قالپىنا كەلتىرۋ ماسەلەلەرى جونىندەگى ۋاكىلەتتى مەملەكەتتىك ورگان رەتىندە) باسقا مۇددەلى مەملەكەتتىك ورگاندارمەن بىرلەسىپ قر ءپىب پارلامەنتاريزم ينستيتۋتىنىڭ ۇسىنىستارى نەگىزىندە ازىرلەنگەن زاڭ جوباسىنىڭ تۇپكىلىكتى نۇسقاسىن ەنگىزۋ تاپسىرىلدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار