وقيعا • 07 قازان، 2022

مارات شايحۋتدينوۆكە قاتىستى سوت ۇكىمى شىقتى

43 رەت كورسەتىلدى

ۇلتتىق قاۋىپسىزدىك كوميتەتى مەملەكەتتىك قۇپيالاردى جاريا ەتۋ، تىڭشىلىق جانە مەملەكەتتىك وپاسىزدىق فاكتىلەرى بويىنشا قىلمىستىق ىستەردى تەرگەۋدى اياقتادى، دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.

«2022 جىلعى 21 قىركۇيەكتە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى م. شايحۋتدينوۆتى (قاۋىپسىزدىك كەڭەسى حاتشىسىنىڭ بۇرىنعى ءبىرىنشى ورىنباسارى) قر قىلمىستىق كودەكسىنىڭ 185-بابى 3-بولىگى بويىنشا كىنالى دەپ تاۋىپ، ونى مەملەكەتتىك قىزمەتتە قىزمەت اتقارۋ قۇقىعىنان جانە 7 جىلعا باس بوستاندىعىنان ايىرۋعا ۇكىم شىعاردى.

قىلمىستىق ىسكە قاتىسى بار ل.سكاكوۆسكيدىڭ (قك-ءنىڭ 175-ب. 1ب. – مەملەكەتكە وپاسىزدىق جاساۋ) جانە و.جداننىڭ (قك-ءنىڭ 176-ب. – تىڭشىلىق) كىناسى تولىق دالەلدەندى. ولار سايكەسىنشە 11 جىل 3 ايعا جانە 11 جىلعا باس بوستاندىقتارىنان ايىرىلدى»، دەپ جازىلعان حابارلامادا.

ارنايى ءىس-شارالار كەشەنىنىڭ باسقا دا كەزەڭدەرىن ىسكە اسىرۋدى ەسكەرە وتىرىپ، شەت ەلدىك ارناۋلى قىزمەتتەردىڭ قاي ەلگە تيەسىلى ەكەنى جانە قىلمىستىق ىسكە قاتىسى بار ادامدار تۋرالى وزگە دەرەكتەر جاريا ەتىلۋگە جاتپايدى.

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار