ەلوردا • 07 قازان، 2022

ەلوردادا گازداندىرۋ جۇمىستارى جالعاسىپ جاتىر

41 رەت كورسەتىلدى

قالانىڭ قارقىندى دامۋى مەن حالىقتىڭ ءوسۋىن ەسكەرە وتىرىپ، استانادا ءۇش گاز جىلۋ ستانتسياسىنىڭ، جەو-3، سورعى-سۇزگى ستانتسياسىنىڭ (سسس-3) جانە ت.ب. قۇرىلىسى جۇرگىزىلىپ جاتىر، استانا قالاسى ءماسليحاتىنىڭ كەزەكتەن تىس سەسسياسىندا ستراتەگيالىق وبەكتىلەردىڭ قۇرىلىسى تۋرالى التاي كولگىنوۆ ايتىپ بەردى، دەپ حابارلايدى Egemen.kz.

«مىسالى، 2019 جىلدىڭ باسىندا ەلوردادا 1 ملن 30 مىڭنان استام ادام تۇردى. بيىل - 1 ملن 330 مىڭنان استام ادام. 3-4 جىل ىشىندە حالىق سانى 300 مىڭ ادامعا ءوستى. بۇل ساندى وبلىس ورتالىقتارىنداعى ادام سانىمەن سالىستىرۋعا بولادى. ينجەنەرلىك ينفراقۇرىلىمدى قۇرۋ قاجەت: سۋ، جارىق، جىلۋ. وزدەرىڭىز بىلەتىندەي، جەو-3 - ۇزاق مەرزىمدى، 10 جىلدان استام ۋاقىت بويى سالىنىپ كەلەدى. مەردىگەرگە حابارلاما جىبەرىلىپ، ول قۇرىلىس قارقىنىن ارتتىردى.

بىراق جەو-3-ءتىڭ دە قۋاتى جەتكىلىكسىز بولادى. سوندىقتان ءۇش گاز جىلۋ ستانتسياسىنىڭ قۇرىلىسى باستالدى. ولاردىڭ ارقايسىسىنىڭ قۋاتى جەو-3-ءتىڭ قۋاتىنان اسىپ تۇسەدى. گاز جىلۋ ستانتسيالارى كەلەسى جىلدان باستاپ كەزەڭ – كەزەڭىمەن پايدالانۋعا بەرىلەدى. سونىمەن قاتار ءبىز ناۋرىز، جۇلدىز، اراي جانە ت.ب. ەلەكتر قوسالقى ستانتسيالارىن جوبالاۋدى جانە رەكونسترۋكتسيالاۋدى جۇرگىزۋدەمىز»، دەدى ەلوردا اكىمى التاي كولگىنوۆ.

سۋمەن جابدىقتاۋ ماسەلەسىن جۇيەلى شەشۋ ءۇشىن وتكەن جىلى ەلوردادا سورعى-سۇزگى ستانتسياسىنىڭ قۇرىلىسى باستالدى. سسس-3 قازىرگى قۋاتىن ارتتىرىپ قانا قويماي، بولاشاق قۇرىلىس اۋداندارىن اۋىز سۋمەن قامتاماسىز ەتەدى. بۇگىندە قالا تاۋلىگىنە 300 مىڭ تەكشە مەتر سۋ تۇتىنادى. جاڭا سسس-نىڭ قۋاتى - تاۋلىگىنە 100 مىڭ تەكشە مەتردەن استام سۋ. سسس- 3 جۇمىسى ءىشىنارا وسى جىلدىڭ سوڭىنا دەيىن ىسكە قوسىلادى - تاۋلىگىنە 35 مىڭ تەكشە مەتر سۋ. 2023 جىلدان باستاپ قۋاتتىلىعى تاۋلىگىنە 100 مىڭ تەكشە مەتردەن استام سۋدى قۇرايدى.

سونىمەن قاتار قالانى گازداندىرۋ جۇمىستارى جالعاسۋدا. الماتى جانە سارىارقا اۋداندارى گازعا قوسىلۋ مۇمكىندىگىمەن تولىق قامتاماسىز ەتىلگەن. قالعان اۋداندار - بايقوڭىر جانە ەسىلدە ماگيسترالدىق گاز قۇبىرىنىڭ قۇرىلىسى جۇرگىزىلىپ جاتىر (2023 جىلى كۆارتالىشىلىك جەلىلەر).

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار