چەحيانىڭ وستراۆا قالاسىندا ءوتىپ جاتقان حالىقارالىق ءتۋرنيردىڭ باستاپقى باسەكەسىندە الەمنىڭ 17-راكەتكاسى امەريكالىق مەديسون كيزدى ءۇش سەتتە – 5:7, 6:3, 6:3 ەسەبىمەن جەڭىپ, جارىس جولىنان ىعىستىرعان وتانداسىمىز ەكىنشى اينالىمدا الەمدىك رەيتينگتە 31-ورىندا تۇرعان لاتۆيالىق ەلەنا وستاپەنكومەن شەبەرلىك بايقاستى. ەكى جارىم ساعاتقا جالعاسقان ەكى ەلەنانىڭ اراسىنداعى تارتىستى كەزدەسۋدە رىباكينانىڭ مەرەيى ۇستەم بولدى – 6:7, 6:4, 7:5.
ءبىرىنشى پارتيادا قازاقستاندىق سپورتشى برەيك جاساعانىمەن, قارسىلاسى تەز ارادا ەسە قايتارىپ وتىردى. ءسويتىپ, ءبىرىنشى سەتتىڭ بار ماسەلەسى تاي-برەيكتە شەشىلدى. ەلەنا ء«ا» دەگەننەن 3:0 ەسەبىمەن العا ۇزاپ كەتكەنىمەن, ءارى قاراي سول باسىمدىعىن ساقتاپ قالا المادى – 6:7 (5:7). ەكىنشى سەتتىڭ ءۇشىنشى گەيمىندە برەيك-پوينت جاساپ, كەيىن ءوز مۇمكىندىگىن پايدالانعان جەرلەسىمىز 3:1 ەسەبىمەن العا شىقتى. سەت سوڭىنا دەيىن قاتەلىكسىز ويناپ, سوڭىندا 6:4 ەسەبىمەن سەنىمدى جەڭىسكە جەتتى. ءۇشىنشى, شەشۋشى پارتيادا دا جەرلەسىمىز بىلگەنىنەن جاڭىلعان جوق – 7:5.
بۇعان دەيىن ەكى تەننيسشى كورتتا ەكى مارتە كەزدەسىپ, ەكەۋىندە دە قازاقستاندىق سپورتشى باسىم تۇسكەن بولاتىن. ە.رىباكينا شيرەك فينالدا الەمنىڭ 20-راكەتكاسى چەحيالىق پەترا كۆيتوۆامەن كەزدەسەدى.
