پارلامەنت • 06 قازان، 2022

ەاەو ەلدەرى مەن يران اراسىنداعى ساۋدا-ساتتىق تۋرالى زاڭ قابىلداندى

28 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى. وندا دەپۋتاتتار ەكى زاڭدى قاراپ، قابىلدادى. ونىڭ ءبىرى ەاەو ەلدەرى مەن يران اراسىنداعى ساۋدا-ساتتىققا قاتىستى بولسا، ەكىنشىسى قازاقستاننىڭ جاھاندىق جاسىل ءوسۋ ينستيتۋتىن قۇرۋ تۋرالى كەلىسىمگە قوسىلۋىنا بايلانىستى زاڭ، دەپ حابارلايدى Egemen.kz.

«2018 جىلعى 17 مامىرداعى ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان يران يسلام رەسپۋبليكاسى اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمگە حاتتامانى راتيفيكاتسيالاۋ تۋرالى» زاڭ ەاەو ەلدەرى مەن يران اراسىنداعى ساۋدا-ەكونوميكالىق ءىس-قيمىلدى قولداۋعا باعىتتالعان.

«حاتتاما ەۋرازيالىق ەكونوميكالىق وداققا مۇشە مەملەكەتتەر مەن يران يسلام رەسپۋبليكاسى اراسىنداعى ەكونوميكالىق قارىم-قاتىناستاردى نىعايتۋعا ارنالعان. قابىلدانعان زاڭ قازاقستان مەن يران يسلام رەسپۋبليكاسى اراسىنداعى تاۋار اينالىمىنىڭ ۇلعايۋىنا وڭ اسەرىن تيگىزەدى دەپ سەنەمىز»، دەدى ماۋلەن اشىمباەۆ.

«جاھاندىق جاسىل ءوسۋ ينستيتۋتىن قۇرۋ تۋرالى كەلىسىمدى راتيفيكاتسيالاۋ تۋرالى» زاڭدا قاراستىرىلعان نورمالار ەلىمىزدىڭ ساراپشىلارى ءۇشىن جاھاندىق جاسىل ءوسۋ ينستيتۋتىنىڭ ءبىلىم بازاسى قولجەتىمدى بولۋىن قامتاماسىز ەتەدى. سونداي-اق زاڭ وسى باعىتتا جۇمىس ىستەيتىن حالىقارالىق ۇيىمدارمەن جانە ينستيتۋتتارمەن ىنتىماقتاستىقتى جانداندىرۋعا ارنالعان ەكونوميكالىق جاسىل ءوسۋ مودەلىن قۇرۋعا مۇمكىندىك بەرەدى.

«كەلىسىم ەلىمىزدە جاسىل ەكونوميكا مودەلىن ەنگىزۋ ءىسىن ىلگەرىلەتۋدى كوزدەيدى. قابىلدانعان زاڭ جاھاندىق جاسىل ءوسۋ ينستيتۋتىنىڭ سەرىكتەس ەلدەرىمەن ەكولوگيالىق تەحنولوگيالاردى دامىتۋ سالاسىندا تاجىريبە الماسۋعا جول اشادى. سول ارقىلى قازاقستاندى تەڭگەرىمدى جانە تۇراقتى دامىتۋعا ءوز ۇلەسىن قوسادى دەپ سەنەمىز»، دەدى سەنات توراعاسى.

سوڭعى جاڭالىقتار

قازاق بالۋانى ۇلىقتالدى

قوعام • بۇگىن، 14:36

6 جەلتوقسان - پروكۋراتۋرا كۇنى

قازاقستان • بۇگىن، 13:00

سقو-دا 50 جىلقى مۇز استىندا قالدى

ايماقتار • بۇگىن، 09:18

اشىقتىق – ماڭىزدى ۇستانىم

ساياسات • بۇگىن، 08:10

باعا بۇلقىنىسى

ەكونوميكا • بۇگىن، 08:09

ۇقساس جاڭالىقتار