ەندى وزگەرىستەرگە توقتالسام. الدىمىزدا سايلاۋ ناۋقانى كەلە جاتىر. ەل پرەزيدەنتى قاسىم-جومارت توقاەۆ كەزەكتەن تىس پرەزيدەنتتىك سايلاۋ وتەتىن كۇنگە 2022 جىلعى 20 قاراشانى بەلگىلەدى.
بۇل قازىرگى بيلىكتىڭ دۇرىس شەشىمى ەكەنىنە سەنىمىم مول. ەلىمىزدە دەموكراتيالىق باعىتتاعى ساياسي وزگەرىستەر باستالعانى ءسوزسىز. قاسىم-جومارت توقاەۆتىڭ قازاقستان حالقىنا ۇندەۋى 2019 جىلدان بەرگى پرەزيدەنتتىك كەزەڭىنىڭ ناتيجەلەرى مەن قورىتىندىلارىن جاساۋمەن بىردەي.
وسى ۋاقىت ىشىندە پرەزيدەنت پەن مەملەكەتتىك بيلىك ۇلكەن جۇمىس اتقاردى. سونىڭ ىشىندە, پارتيالارعا سايلاۋعا قاتىسۋ ءۇشىن تىركەۋ كەزىندە 30 پايىزدىق كۆوتا ەنگىزىلدى. بۇل تىزىمگە 30 پايىز جاستار مەن ايەلدەر كىرۋى كەرەك دەگەندى بىلدىرەدى. پارتيالاردى تىركەۋ شەگى تومەندەتىلدى, بۇل دا دەموكراتيالىق وزگەرىستەر كورسەتكىشى.
وتانداستارىمىزدىڭ بەلسەندىلىگى مەن ساياسي كوزقاراستارىنا سۇيەنسەك, جاقىن ارادا بىرنەشە ساياسي پارتيا قۇرىلاتىنىن اڭعارۋ قيىن ەمەس. ويتكەنى بۇگىنگى تاڭدا قازاقستاندىقتار اراسىندا ساياسي بەلسەندىلىك ارتىپ كەلەدى.
حالقىمىزدا سايلاۋدان كەيىن جاڭا ءداۋىر باستالادى دەگەن ءۇمىت بار. سەبەبى كوپ نارسە ايتىلدى, كوپ نارسە ۋادە ەتىلدى جانە ونى جۇزەگە اسىرۋ ءۇشىن پرەزيدەنتتىڭ ءوزى ايتقانداي جەتى جىل جەتكىلىكتى.
پرەزيدەنت حالىققا ۇندەۋىندە سايلاۋعا قازاقستاندىق جانە شەتەلدىك باقىلاۋشىلار قاتىساتىنىن حابارلادى. بۇل الدىمىزداعى سايلاۋ دەموكراتيالىق سايلاۋ نورمالارىنا سايكەس بولاتىنىنىڭ كەپىلى دەپ تۇسىنەمىز.
سايلاۋعا دايىندىققا كەلسەك, كەزەكتەن تىس سايلاۋ بولاتىنى تۋرالى بۇرىن ءار ءتۇرلى بولجام ايتىلاتىن. ويتكەنى بۇل ناۋقان قازىر ەلدە جۇزەگە اسىرىلىپ جاتقان ساياسي رەفورمالاردىڭ زاڭدى جالعاسى ەكەنى بارىمىزگە ءمالىم. الدىمىزداعى پرەزيدەنت سايلاۋىنان كەيىن پارلامەنتتىك سايلاۋ بولاتىنى زاڭدى قۇبىلىس. ياعني پارلامەنتتىك سايلاۋعا دايىندالىپ جاتقان ساياسي كۇشتەرگە الدىمىزداعى پرەزيدەنتتىك سايلاۋعا قاتىسۋ ءۇشىن ءوز كوشباسشىسىن ۇسىنۋ قيىنعا سوقپايدى. ساياسي ۇدەرىستىڭ يدەياسىنا سايكەس ساياسي كۇشتەر ارقاشان بەلسەندى ۇستانىمىنا يە بولۋى كەرەك, كەز كەلگەن ۋاقىتتا سايلاۋ ناۋقانىنا دايىن بولۋ ءۇشىن سايلاۋشىلارمەن دۇرىس جۇمىس وتكىزۋ كەرەك.
ناتاليا دەمەنتەۆا,
ءماجىلىس دەپۋتاتى
