قارقارالى توپىراعىنان شىققان ساحنا ساڭلاعىنىڭ ەسىمىن ۇرپاقتار جادىندا ماڭگى قالدىرۋ ءۇشىن تاعى ءبىر ىلكىمدى ءىس تۋعان جەرىندە جۇزەگە استى. اتاپ ايتقاندا, ۇكىمەت قاۋلىسىمەن تۋعان توپىراعىندا, قارقارالى اۋداندىق مادەنيەت ءۇيى بۇدان بىلاي شولپان جانداربەكوۆا ەسىمىمەن اتالماق.
– بەلگىلى قازاق اكتريساسى شولپان جانداربەكوۆانىڭ ەسىمىن بەرۋ تۋرالى شەشىم ۇكىمەتتىڭ قاۋلىسىمەن بەكىتىلگەن. ەندى مادەنيەت ءۇيى اكتريسانىڭ ەسىمىمەن اتالادى. مادەنيەت ءۇيىنىڭ ساحناسىنان ءبىزدىڭ اتاقتى جەرلەسىمىزدىڭ ءىزباسارلارى كوپتەپ شىعارىنا سەنىم مول, – دەيدى قارقارالى اۋدانى اكىمىنىڭ ءباسپاسوز حاتشىسى بارشىن جۇماحانوۆا.
ءومىرى ونەرمەن ەگىز ورىلگەن شولپان جانداربەكوۆا 1922 جىلى 1 قاڭتاردا قارقارالى اۋدانى ميلىبۇلاق اۋىلىندا دۇنيەگە كەلگەن. الماتى قالاسىنداعى تەاتر-كوركەمسۋرەت ۋچيليششەسىن تامامداعان. مۇحتار اۋەزوۆ اتىنداعى قازاق دراما تەاترىنىڭ اكتريساسى بولعان ش.جانداربەكوۆا 200-دەن استام ءرول سومداپتى. سونىمەن قاتار كينو سالاسىندا دا, ت.جۇرگەنوۆ اتىنداعى قازاق ۇلتتىق ونەر اكادەمياسىندا دا ءىزى قالعان.
قاراعاندى وبلىسى,
قارقارالى اۋدانى
