22 جاستاعى Astana Qazaqstan Development Team كومانداسىنىڭ وكىلى 94-مارتە ۇيىمداستىرىلعان جاستار اراسىنداعى ءبىر كۇندىك «تۋر لومباردي» جارىسىندا مارە سىزىعىن ەكىنشى بولىپ كەستى. وتانداسىمىز كەزەڭ بويى بەلسەندى جۇمىس ىستەگەنىمەن, سوڭعى ساتتە جەكەلەي جارىستا 23 جاسقا دەيىنگىلەر اراسىنداعى الەم بىرىنشىلىگىنىڭ كۇمىس جۇلدەگەرى, ەۋروپا چەمپيونى بەلگيالىق ۆەلوشاباندوز الەك سەگارتكە جول بەرىپ قويدى.
ءسويتىپ, يتاليادا وتكەن بيىلعى «تۋر لومباردي» دوداسىندا Lotto – Soudal ۆەلوكومانداسىنىڭ وكىلى توپ جاردى. ۇزدىك ۇشتىكتى فرانتسيالىق AG2R Citroën كومانداسىنىڭ ۆەلوشاباندوزى دجوردان لابرۋسس تۇيىندەدى. ۆەلوسپورتشىلار ۇزاقتىعى 170 شاقىرىم جولدى ءجۇرىپ ءوتتى.
