وقيعا • 03 قازان، 2022

رەسەيدە وقۋشى قىز اسكەري كوميسسارياتتى ورتەپ جىبەرمەك بولدى

57 رەت كورسەتىلدى

رەسەيدىڭ قازان قالاسىندا اسكەري كوميسسارياتتى ورتەپ جىبەرمەك بولعان وقۋشى قىز ۇستالدى، دەپ حابارلايدى Egemen.kz.

«11-سىنىپ وقۋشىسى جۋرناليستەر كوشەسىندەگى سوۆەت اۋدانى اسكەري كوميسسارياتىنىڭ عيماراتىنا قاراي بەت العان. قىزدىڭ قاسىندا ءۇش «مولوتوۆ كوكتەيلى» بولعان. ول ەكى بوتەلكەنى عيماراتقا لاقتىرعان. «مولوتوۆ كوكتەيلى» اسكەري كوميسسارياتقا بىرنەشە مەتر جەتپەي قالعان»، دەپ جازىلعان وxu.az اگەنتتىگى تاراتقان اقپاراتتا. 

ۇستاۋ كەزىندە ونىڭ قولىندا تاعى ءبىر «كوكتەيل» بولعان. بويجەتكەن پوليتسياعا ۋكرايناداعى سوعىس پەن موبيليزاتسياعا قارسىلىعىن وسىلايشا بىلدىرمەك بولعان. وسىدان كەيىن ستۋدەنت قاماۋعا الىندى. 

ءدال وسىنداي وقيعا كراسنويارسك قالاسىندا دا بولدى. بەلگىسىز بىرەۋ كەڭەس جانە ورتالىق وبلىستاردىڭ اسكەري كوميسسارياتى عيماراتىنا ەكى «مولوتوۆ كوكتەيلىن» لاقتىرعان. اۋماقتاعى ءشوپ ورتەنىپ، ونى عيمارات كۇزەتشىلەرى ءسوندىرىپ ۇلگەرگەن. ال ءورتتى قويعان ادام وقيعا ورنىنان قاشىپ كەتكەن.

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار