ەرلەر اراسىندا فينالدا 22 جاستاعى اقتاۋلىق تەننيسشى بەيبىت جۇقاەۆ توپ جاردى. الەمدىك رەيتينگتە 326-ورىندا تۇرعان ب.جۇقاەۆ باس جۇلدە ءۇشىن وتكەن باسەكەدە دەنيس ەۆسەەۆتى ەكى سەتتە 7:6 (7:4), 6:4 ەسەبىمەن تىزە بۇكتىرىپ, ەكىنشى رەت ەل چەمپيونى اتاندى. بۇعان دەيىن ول قىسقى چەمپيوناتتا دا ۇزدىك شىققان بولاتىن. وسىلايشا, اقتاۋ تەننيس مەكتەبىنىڭ تۇلەگى قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆتىڭ شەشىمىمەن Astana Open ATP 500 تۋرنيرىندە جەكەلەي سىندا ونەر كورسەتۋگە جولداما الدى. بۇل – وتانداسىمىزدىڭ اتر ساناتىنداعى العاشقى ەڭ ءىرى جارىسى. سونداي-اق ول جۇپتىق سىندا الەكساندر بۋبليكپەن بىرگە باق سىنايدى. دەنيس ەۆسەەۆ پەن گريگوري لوماكين دە جۇپتىق سىندا باسەكەگە تۇسەدى.
قاراعاندىلىق ارىسلانبەك ايتقۇلوۆ قولا جۇلدە ءۇشىن بولعان جارىستا دوستانبەك تاشبولاتوۆتى ەكى سەتتە 6:4, 6:4 ەسەبىمەن جەڭىپ, قولا جۇلدەگە يە بولدى. ايەلدەر اراسىندا گوزال اينيتدينوۆا قازاقستاننىڭ بىرنەشە دۇركىن جەڭىمپازى جىبەك قۇلامباەۆادان 6:2, 6:1 ەسەبىمەن ايلاسىن اسىرىپ, التىننان القا تاقتى. ال قولا جۇلدە ماريا سينيتسىناعا بۇيىردى. ول جانەل رۇستەموۆانى 7:5, 6:4 ەسەبىمەن ءسۇرىندىردى.
